“Qəzalı binaların yaratdığı təhlükələr” - “Çıxışa doğru”da MÜZAKİRƏ
İstənilən bina qəzalı ola bilər. Artıq uzun illərdir tikinti sektorunda şəxsi şirkətlər bina inşa edir. Onların da tədricən aşılanması baş verir. Belə binanın taleyi necə həll olunmalıdır?
Binanın qəzalı olduğu müəyyən edildikdən sonra qəzanın səviyyəsi, növü və şəklinə görə müdaxilə planı hazırlanır və icra edilir. Bəzən əgər daşıyıcı sistemin gücləndirilməsi fayda vermirsə, binanın sökülməsi çıxış yollarından biri olur.
Binanın qəzalı olmasının bir sıra səbəbi var və onları vaxtında, hər birinə özəl yanaşma ilə aradan qaldırılması lazımdır.
1News-un məlumatına görə, AzTV-nin “Çıxışa doğru” verilişində “Qəzalı binaların yaratdığı təhlükələr” mövzusunda aparılan müzakirələr zamanı bu barədə ətraflı danışılıb.
Verilişin qonaqları – əmlak məsələləri üzrə ekspert Elnur Fərzəliyev, əməyin mühafizəsi üzrə ekspert Samir Nəbiyev və daşınmaz əmlak üzrə ekspert Nüsrət İbrahimov mövzu ətrafında müzakirə aparıblar.