LU-MUN Holding sahibkarlığa dəstək layihəsini davam etdirir – FOTO
Bu gün, Azərbaycanın Qarabağ münaqişəsində qazandığı zəfərlə, iqtisadiyyatın bərpası, işğaldan azad edilmiş torpaqların inkişafı və bölgələrdə kiçik təsərrüfatlara dəstək məsələləri hər zamankından daha aktualdır.
Eyni missiya ilə LU-MUN Holding-in törəmə şirkətlərindən biri “Azerbaijan Organic Company” MMC 2020-ci ildən yeni layihəyə start verib.
Layihənin məqsədi vətəndaşlara dəstək olmaq, onların maddi rifahını yaxşılaşdırmaq, bölgələrdə məskunlaşan aztəminatlı ailələrə və tək yaşayan qadınlara dəstək olmaq, davamlı gəlir əldə edə bilmələri üçün müvafiq bacarıqlarını inkişaf etdirməkdir.
Bu günə qədər Masallı və Balakən bölgələrindən 19 nəfər bu proqramın iştirakçısı olub. Onlar “Azerbaijan Organic Company” şirkəti tərəfindən "Başlanğıc paketi" ilə təmin ediliblər. Hər paket 10 arı pətəyi, medaqon, qoruyucu kostyum və digər lazımi avadanlıqlardan ibarətdir. Təcrübəli arıçılar tərəfindən həyata keçiriləcək təlimlər sayəsində layihə iştirakçıları bilik və bacarıqlarını inkişaf etdirə biləcəklər. Şübhəsiz ki, belə birlik işlərinin qurulmasına və zaman keçdikcə sabit gəlir əldə edilməsinə kömək etməlidir. Bu dəstəklə iştirakçıların öhdəsinə düşən yalnız əsas hədəfə diqqət yetirmək və addım-addım ona doğru irəliləməkdir. Cari ildə16 nəfər layihədən faydalana bildi.
Şirkət orqanik bal və digər arıçılıq məhsulları almaqla kiçik arı biznesi sahiblərini maddi cəhətdən stimullaşdırır. “Azerbaijan Organic Company” şirkətinin qarşısında duran vəzifələrdən biri arıçılıq və fermer təsərrüfatı ilə məşğul olan sahibkarlara fəaliyyətlərinin istənilən mərhələsində diqqət nümayiş etdirmək, onların inamla inkişaf edib, maliyyə problemlərini həll etmələrindən əmin olmaqdır.
Layihə biznesi dəstəkləməklə yanaşı, ekoloji vacib funksiyanı - Azərbaycanda bioloji müxtəlifliyin qorunmasını da həyata keçirir. Hər birimiz ekologiyanın yaxşılaşdırılmasına və planetimizi hər gün xilas etməyə şəxsi töhfə veririk. Bu məsələdə arıçılıq əsas rol oynayır, çünki planetimizdə kənd təsərrüfatı məhsullarının 75% -dən çoxunun bu və ya digər dərəcədə tozlanması birbaşa arılardan asılıdır. Onların sayında azalma və müəyyən növlərin ölümü qaçılmaz olaraq faciəli nəticələrə səbəb ola bilər.
LU-MUN Holding olaraq missiyamız– insanların həyat keyfiyyətini artırmaq və təbiət ilə vəhdət şəklində milli sərvətləri formalaşdırmaq, dirçəltməkdir. Ölkəmizin hər bir sakininin qabiliyyət və bacarıqlarının inkişafına, təhsil almasına kömək etmək istəyən, yaradıb-yaşatmaq arzusu ilə xeyirxahlıq edənləri komandamızda görməkdən məmnun qalarıq. Korporativ Sosial Məsuliyyətin (KSM) nəzdində yeni layihələr hazırlayaraq cəmiyyətin inkişafına və Azərbaycanda həyat keyfiyyətinin yüksəldilməsinə əhəmiyyətli təsir göstərə biləcəyimizə inanırıq.
Bu təşəbbüsə könüllü və ya partyor kimi qoşulmaq istəyirsinizsə, [email protected] elektron ünvanına yaza bilərsiniz.
Reklam hüququnda