“Bizim şəhid və qazi ailələrinə böyük ehtiramımız var. Bu mövzuda yanlış anlaşılmanın qurbanıyıq” – KONTAKT HOME-DAN AÇIQLAMA | 1news.az | Xəbərlər
Cəmiyyət

“Bizim şəhid və qazi ailələrinə böyük ehtiramımız var. Bu mövzuda yanlış anlaşılmanın qurbanıyıq” – KONTAKT HOME-DAN AÇIQLAMA

S.Xankişiyeva10:25 - 25 / 05 / 2021
“Bizim şəhid və qazi ailələrinə böyük ehtiramımız var. Bu mövzuda yanlış anlaşılmanın qurbanıyıq” – KONTAKT HOME-DAN AÇIQLAMA

“Vətən” müharibəsinin ilk günlərindən “Kontakt Home” olaraq vətənpərvərlik istiqamətində aktiv fəaliyyətimizlə fərqlənməyimizə rəğmən 1 nəfər bloqerin məsuliyyətsiz və araşdırılmamış paylaşımının cəmiyyətdə çaşqınlıq yaratması bizi dərindən məyus edir.

Bir daha xatırlatmaq istərdik ki “Kontakt Home” “Orduya dəstək” kampaniyası çərçivəsində indiyədək:

· II Qarabağ müharibəsində şəhidlik zirvəsinə ucalan qəhrəmanlarımızın ailə üzvlərinin (ana, ata, həyat yoldaşı və 18 yaşına (ali təhsil alırsa, 23 yaşına çatmamış övladı) şirkətə olan kredit borcunu ləğv edib;

· Bu müharibə nəticəsində əmək qabiliyyətini itirmiş qazilərin, eyni zamanda onların ailə üzvlərinin borclarını silib;

1) Əlillik dərəcəsi II qrup olan müharibə iştirakçılarının borcu tam bağışlanıb;

2) Əlillik dərəcəsi I qrup olan müharibə iştirakçılarının özü ilə bərabər, ailə üzvlərinin də (ana, ata, həyat yoldaşı və 18 yaşına (ali təhsil alırsa, 23 yaşına çatmamış övladı) borcu bağışlanıb;

Qeyd edək ki, 25.05.2021 tarixinədək şəhid və qazi ailələrinin ümumilikdə 193 307 manat məbləğində borcu şirkət tərəfindən silinib. Müraciətlər əsasında borcların silinməsi bu gün də davam edir.

· Hərbi əməliyyatlarda iştirakla bağlı çağırılan müştərilərin və onların ailə üzvlərinin bütün səfərbərlik müddətindəki kredit ödənişlərini dondurub;

· Hərbi əməliyyatlar dövründə yaralanan hərbçilərin müalicəsi üçün Silahlı Qüvvələrə Yardım Fonduna 150 000 manat məbləğində maddi yardım edib;

· Səfərbərliklə bağlı hərbə yollanan 97 nəfər “Kontakt Home” əməkdaşının ailəsinə ümumilikdə 50 000 manat məbləğində yardım edib, hərbə yollanan əməkdaşların əmək haqlarını olduğu kimi saxlayıb;

· Şəbəkənin döyüşlərdə şəhid olmuş əməkdaşı Aslan Rzayevin azyaşlı övladının yetkinlik yaşına (18 yaş) çatana qədər aylıq təminat xərclərini və Azərbaycanda universitetə qəbul olduğu təqdirdə dörd illik təhsil haqqını öz üzərinə götürüb. Bundan başqa, ailəsinə 25 000 manat məbləğində birdəfəlik maddi yardım edib;

· “Vətən” müharibəsinin ilk qadın şəhidi Arəstə Baxışovanın övladlarının təhsili üçün onun hər iki övladına ümumilikdə 20000 manat məbləğində maddi yardım edib; eyni zamanda pandemiya şəraiti ilə əlaqədar onlayn dərslərində istifadə üçün onlara elektronika əşyaları hədiyyə edib.

· “Aprel döyüşləri”ndə və ötənilki “Tovuz döyüşləri”ndə Vətən uğrunda canlarından keçmiş şəhidlərin övladlarlarına onlayn dərslərdə istifadə üçün noutbuklar hədiyyə edib;

· Müharibə dövründə öz mağazalarında cəbhəyə pay üçün toplama məntəqələri yaradıb və “166 Yükdaşıma və Logistika” şirkəti ilə birlikdə həmin yardımları ön cəbhəyə çatdırmağa kömək olub;

· Hazırda Qarabağda erməni vandalizmi nəticəsində dağıdılan tarixi-mədəni irs abidələrinin bərpa proqramı üzərində çalışır.

· Bütün bunlarla bərabər şəbəkə rəhbərliyi və şirkət əməkdaşları indiyə kimi 100-lərlə ailəyə həyat şəraitlərinin yaxşılaşdırılması məqsədilə müxtəlif yardımlar həyata keçirib.

Göründüyü kimi “Kontakt Home” tərəfindən “Orduya dəstək” kampaniyası çərşivəsində indiyədək könüllü şəkildə ümumilikdə bir milyon manatdan artıq yardımlar həyata keçirilib. Razılaşarsınız ki, bu qədər yardımın fonunda şəbəkə 1 yataq dəstini şəhid ailəsinə çox görə bilməz.

Buradan bir daha geniş ictimaiyyətə bildirmək istərdik ki, başda son hadisələrdə adı hallanan şəhidimiz və onun ailəsi olmaqla, bütün şəhid və qazilərə, həmçinin onların ailələrinə böyük ehtiramımız var. Onlara qarşı hər hansı hörmətsizlik müzakirə mövzusu ola bilməz. Təəssüf ki, bu mövzuda isə biz sadəcə yanlış anlaşılmanın və ya bəzi qərəzli media nümayəndələrinin qurbanına çevrilmişik.

Paylaş:
680

Son xəbərlər

Azərbaycan neftinin qiyməti 83 dollara yaxınlaşıbBu gün, 09:31Beyləqanda narkokuryerlərdən 15 kq marixuana aşkarlanıbBu gün, 09:15Bakıda sıxlıq olan küçə və prospektlər açıqlanıb - SİYAHIBu gün, 09:05COP29: Azərbaycan qlobal danışıqlar platforması statusunu gücləndirir07 / 10 / 2024, 21:18Xızıda kanalda meyiti tapılan şəxsin kimliyi məlum olub07 / 10 / 2024, 17:45Qazaxda yaşadığı evdə narkotik vasitə və odlu silah saxlayan şəxs saxlanılıb07 / 10 / 2024, 17:38Şimşək çaxacaq, yağış yağacaq - XƏBƏRDARLIQ07 / 10 / 2024, 17:19İlham Əliyev Rusiyaya səfərə gəlib - FOTO07 / 10 / 2024, 16:59NİİM: Ziya Bünyadov prospekti istiqamətində təmirə görə sıxlıq yaranıb07 / 10 / 2024, 16:19MEDİA: Azərbaycan Prezidenti adından saxta məlumat yayılıb07 / 10 / 2024, 16:02Bakıda qazanxanadakı partlayışla bağlı araşdırmalara başlanılıb07 / 10 / 2024, 15:44Sabirabadda dayı bacısı oğlunu avtomobillə vurub07 / 10 / 2024, 15:25Həyat yoldaşı Leyla və 8 aylıq körpəsini öldürən şəxs ömürlük azadlıqdan məhrum edilib07 / 10 / 2024, 14:49Xaricdə təhsil almış 233 nəfərin diplomu tanınmayıb07 / 10 / 2024, 14:07“Suriya və İraqdan 8 Azərbaycan vətəndaşı repatriasiya edilib” - XİN07 / 10 / 2024, 13:32Sabahın hava proqnozu07 / 10 / 2024, 13:19Umico.az-da ilk alış-verişinizi kreditlə aylıq cəmi 0.33 %-dən başlayan komissiya ilə edin!07 / 10 / 2024, 11:49Kapital Bank-ın Depozit lotereyasının 1-ci tirajının qalibləri bəlli oldu07 / 10 / 2024, 11:32Göygöldə əqrəb sancan müəllim ölüb07 / 10 / 2024, 11:13Binədə düşən davada bir nəfər bıçaqlanıb07 / 10 / 2024, 10:41
Bütün xəbərlər