Azərbaycanda bir sutkada koronavirus əleyhinə 34 615 vaksin vurulub

Azərbaycanda son sutkada koronavirus (COVID-19) əleyhinə 34 615 vaksin vurulub.

Nazirlər Kabineti yanında Operativ Qərargahdan 1news.az-a verilən məlumata görə, bir gündə birinci mərhələ üzrə vaksinasiya olunanların sayı 26 149, ikinci mərhələ üzrə vaksinasiya olunanların sayı 8 466 nəfərdir.

Ölkədə vurulan vaksinlərin ümumi sayı 2 055 986 , birinci mərhələ üzrə vaksinasiya olunanların ümumi sayı 1 184 780, ikinci mərhələ üzrə vaksinasiya olunanların sayı isə 871 206 təşkil edir.