“Könüllü qanvermə artıq bir mədəniyyətə çevrilib” - Fuad Əsgərov | 1news.az | Xəbərlər
Cəmiyyət

“Könüllü qanvermə artıq bir mədəniyyətə çevrilib” - Fuad Əsgərov

11:54 - 14 / 06 / 2021
“Könüllü qanvermə artıq bir mədəniyyətə çevrilib” - Fuad Əsgərov

Hər il bütün dünyada 14 iyun – Ümumdünya Qan Donoru Günü kimi qeyd olunur.

1news.az xəbər verir ki, bu günün keçirilməsi qərarı 2005-ci ilin mayında Ümumdünya Səhiyyə Təşkilatının (ÜST) Assambleyasında qəbul edilmiş könüllü qan donorluğunu dəstəkləyən bəyanatda verilib. “Həyat bəxş et: qan donoru ol!” şüarı altında həyata keçirilən builki kampaniyanın məqsədi könüllü qan donorlarına hörmət və ehtiramı nümayiş etdirmək, cəmiyyətdə donor qanına olan ehtiyac və zəruriyyəti vurğulamaq, həyatı xilas etmək, sağlamlığın səviyyəsini artırmaq üçün qan donorluğuna yeni insanları cəlb etməkdir.

“Qan Donorları Assosiasiyası” İctimai Birliyinin sədri Fuad Əsgərov bildirib ki, kifayət qədər təhlükəsiz qan ehtiyatının yaradılması hər bir ölkənin səhiyyə sahəsində milli siyasətin ayrılmaz hissəsi olmalıdır.

Təhlükəsiz donor qanına ehtiyacın günbəgün artdığını deyən F.Əsgərovun sözlərinə görə, könüllü qanvermə artıq bir mədəniyyətə çevrilib:

“Təcrübələr göstərir ki, ən təhlükəsiz olan məhz könüllü, təmənnasız donorların qanıdır. Təhlükəsiz qan, onun komponentləri və preparatları hər il minlərlə hamiləlik və doğuş zamanı ağırlaşması olan qadınları, körpələri, xəsarət alanları və digərlərini ölümdən xilas etməyə kömək edir. Azərbaycanda hemofiliya və talassemiya xəstələrinin müalicəsində qan komponentlərinin və preparatlarının istənilən vaxtda əlçatan olması olduqca vacibdir və donor qanına tələbatı artırır.

Çox sevindirci haldır ki, ölkəmizdə insanlar arasında könüllü qan donorluğu artıq bir mədəniyyətə çevrilib. Bir çox hallarda insanlar sərbəst şəkildə heç bir dəvət olmadan Mərkəzi Qan Bankına yaxınlaşır və ehtiyacı olan insanlarla öz qanlarını paylaşırlar. Təbii ki bu illərdən bəri çəkilən əziyyətlərin bəhrəsidir. Yaxın keçmiş ilə müqayisədə insanların qan donorluğuna yanaşması və münasibəti tamamilə dəyişib. Qan Donorları Assosiasiyasının illərdən bəri qazandığı beynəlxalq təcrübəsi ölkədə aparılan maarifləndirmə və təbliğat layihələrində öz əksini tapır və yaxın gələcəkdə daha geniş miqyaslı layihələrlə bu fəaliyyəmizi genişləndirəcəyik”.

1news.az

Paylaş:
253

Son xəbərlər

ADA-nın “Yay düşərgəsi” Azercell-də! - FOTOBu gün, 17:45“Patı”dan istifadə hallarının artmasının səbəbi açıqlanıbBu gün, 17:43Bərbərxana və gözəllik salonlarında müştərilərdən COVID-19 pasportu tələb olunacaq?Bu gün, 17:36Döyüşlərin getməsi barədə məlumatların heç bir əsası yoxdur - MNBu gün, 17:21FHN-dən hava şəraiti ilə bağlı əhaliyə MÜRACİƏTBu gün, 17:18Dövlət Dəniz Agentliyi hava şəraiti ilə bağlı xəbərdarlıq edibBu gün, 16:55Ötən gün koronavirus əleyhinə 432 vaksin vurulub - STATİSTİKABu gün, 16:46Koronavirus Azərbaycanda: 272 yoluxan, 3 ölən var - STATİSTİKABu gün, 16:43“Teatr və kinoteatrların açılması müzakirə olunur”Bu gün, 16:29Peyvənd oluna bilməyən şəxslərə əks-göstəriş sertifikatı veriləcəkBu gün, 16:23Yeni ailə quranlara vaksinasiya olunmaq tövsiyə edilir - TƏBİB rəsmisiBu gün, 16:19“Nar+” tətbiqi ilə abunəçilər balanslarını avtomatik artıra biləcəklərBu gün, 16:14AZAL-ın təyyarələri Qarabağ səmasında ilk dəfə radioçağırış siqnalları alıbBu gün, 16:12Prezidentin köməkçisi: “Epidemioloji vəziyyət pisləşsə, qapanmaya getməyə məcbur olacağıq”Bu gün, 15:56Tələbə köçürülməsi üçün sənəd qəbulunun vaxtı uzadılıbBu gün, 15:43Şahmar Mövsümov vətəndaşlara çağırış etdiBu gün, 15:31“İrəli” rebrendinq keçirib - FOTOBu gün, 15:26Tələbələrdən COVID-19 pasportu tələb olunacaqBu gün, 15:16Xəzər İbrahim Azərbaycanın ABŞ-dakı səfiri təyin edildiBu gün, 15:09Bu yerlərdə qapalı məkanda göstərilən xidmətlərdən COVID-19 pasportu olanlar istifadə edə biləcəkBu gün, 15:08
Bütün xəbərlər

Next TV