Teymur Musayev: “Koronavirusun yeni ştammlarından qorxmaq lazım deyil”
"Məlum olduğu kimi Səhiyyə Nazirliyinin Ekspert Şurasının və Tibbi Elmi Şuranın qərarına əsasən Azərbaycanda könüllü olaraq, hər iki valideynin razılığı əsasında xüsusən də xroniki xəstəlikləri olan 12-18 yaş uşaqlara "Pfizer" vaksini tətbiq edilir".
1news.az xəbər verir ki, bu barədə Azərbaycan səhiyyə naziri müavini Teymur Musayev jurnalistlərə açıqlamasında bildirib. O, bir daha qeys edib ki, ölkədə yetərincə bütün vaksin növlərindən var:
"Nəinki yerli vətəndaşlar, həmçinin ölkədə daimi yaşayış haqqını qazanmış şəxslər istənilən vaksini seçib, vaksinasiya prosesindən keçə bilər. Bu, böyük nailiyyətdir.
Bildiyiniz kimi "Covid-19" virusu daim mutasiyaya uğrayır. Onun "Delta", "Delta+" və digər ştammları aşkarlanır və ölkədə buna görə analizlər aparılır. Bu, daimi prosesdir və ondan qorxmaq lazım deyil. Sadəcə hazır olmalıyıq və anlamalıyıq ki, xəstəlik hələ bitməyib".
Foto: Nadir İbrahimli
