Dekabrda hava necə olacaq? | 1news.az | Xəbərlər
Cəmiyyət

Dekabrda hava necə olacaq?

S.Xankişiyeva11:04 - 01 / 12 / 2021
Dekabrda hava necə olacaq?

Dekabr ayında necə hava şəraiti gözlənilir? Bu sual yarananda, mütləq ardınca ikinci sual gəlir – bu ilin dekabr ayı keçən ilin dekabrına bənzəyəcəkmi?

1news.az-ın verdiyi xəbərə görə, Milli Hidrometeorologiya Xidmətinin rəisi Umayra Tağıyeva bu sualları ətraflı cavablandırıb.

Onun sözlərinə görə, birmənalı yalnız onu qeyd edə bilərik ki, burada hər hansı bir qanunauyğunluq axtarsaq, yanılarıq.

“Bu fikri təsdiqləmək üçün gəlin elə son 20 ilin dekabr ayında olan hava şəraitini təhlil edək. Belə ki, bütün meteoroloji müşahidələrə görə ən soyuq 2002-ci ildə Bakıda 8.8° şaxta olduğu halda növbəti 2003-cü ilin dekabr ayında 22.5° isti qeydə alınıb. Belə halları son 10 ildə də müşahidə etmək olar. Misal üçün, 2012-ci ildə havanın orta temperaturu iqlim normasından aşağı, növbəti 2013-cü ildə yüksək, 2015-də yenidən mülayim isti, 2016-cı il isə həmişəkindən soyuq, hətta Bakı üçün nadir hadisə kimi havanın temperaturu 4.2°şaxta olub. Ardınca 2017, 2018, 2019-cu illər müsbət anomaliya ilə fərqlənib. Keçən il isə havanın temperaturu iqlim normasından aşağı olub”.

U.Tağıyevanın sözlərinə görə, lakin daha uzunsıralı dövrlərin təhlili göstərir ki, 1961-1990-cı illərlə müqayisədə 2002-ci ili nəzərə almasaq, son onilliklərdə dekabr ayında orta temperatur artıb və şaxtalı günlərin sayı azalıb:

“2019-cu il dekabrın 2-də şimal-qərb küləyinin maksimal sürəti Sumqayıtda 40 m/s, Bakıda 38 m/s-ə çatıb. Dünyada son illərin meteoroloji tədqiqatları göstərir ki, ildən-ilə qış aylarında soyuq günlərin sayı azalır, normadan yüksək isti günlərin sayı isə artır. Ölkəmizdə də şaxtalı, qarlı günlərin sayı azalaraq, qışın daha mülayim keçməsi müşahidə olunur. Lakin, iqlim dəyişmələri nəticəsində atmosfer sirkulyasiyasında baş verən transformasiyalar fəsildən asılı olmayaraq qısamüddəti və ya daha davamlı kəskin hava-iqlim anomaliyaları ilə özünü biruzə verir.

Məsələn, bütün çoxillik müşahidələrə görə Bakıda ən çox sutkalıq cəm yağıntı 2002-cı il dekabrın 10-da gündüz və 11-nə keçən gecə müşahidə olunub, sutka ərzində rekord miqdarda 48 mm yağıntı (qar) düşüb. Dekabrın 11-də səhər Bakıda və Abşeronun qərbində qar örtüyünün hündürlüyü 50 sm olub. Ən çox aylıq yağıntı da 2002-ci ilin dekabrında müşahidə olunub, ay ərzində 183.9 mm yağıntı düşüb ki, bu da aylıq normadan 5.7 dəfə çoxdur.

Adətən bu kimi prosesləri aylıq proqnozlarda nəzərə almaq mümkün olmadığı üçün, dünya təcrübəsinə əsaslanaraq uzunmüddətli proqnozlarda yalnız gözlənilən temperatur və yağıntı iqlim norması ilə müqayisəli şəkildə təqdim edilir”.

Xidmət rəisi bu ilin dekabr ayı ilə bağlı bildirib ki, havanın orta aylıq temperaturunun iqlim normasına yaxın, bəzi dövrlərdə isə bir qədər yüksək olacağı gözlənilir.

“Aylıq yağıntının miqdarının əsasən iqlim normasına yaxın olacağı ehtimal olunur”.

Meteo.az saytından daha dəqiq və yeniləşən hava proqnozlarını və hava şəraitinin dəyişəcəyi ilə bağlı xəbərdarlıqları əldə edə bilərsiniz.

Paylaş:
858

Son xəbərlər

Devid Harris: Bizim üçün Azərbaycanın regional və qlobal əhəmiyyəti böyükdür16 / 01 / 2022, 11:46Bu ay Suraxanıda narkotik satan 30 nəfər saxlanılıb – FOTO15 / 01 / 2022, 18:00Türkiyə-Ermənistan təmaslarının başlanmasını alqışlayırıq - Xələf Xələfov15 / 01 / 2022, 17:42Bakıda küçədə gecələyən yeniyetmə Narkoloji Dispanserə yerləşdirilib15 / 01 / 2022, 17:32Ağdamda evdən 52 min manatlıq oğurluq edilib - FOTO15 / 01 / 2022, 17:11Azərbaycanda bütün məhkumlar peyvənd olunub15 / 01 / 2022, 16:49Qazilər “Müharibə veteranı” adını və təqaüdünü yanvar ayında ala biləcəklər - VİDEO15 / 01 / 2022, 16:34II Qarabağ İqtisadi Forumu keçiriləcək – FOTO15 / 01 / 2022, 16:09Ailəsi bu qızı axtarır – FOTO15 / 01 / 2022, 15:52Peyvənd olunanların sayı açıqlanıb15 / 01 / 2022, 14:45Bu gün 710 nəfər COVID-19-a yoluxub – STATİSTİKA15 / 01 / 2022, 14:35“Yüksəliş” müsabiqəsinin təşkilat komitəsinin iclası keçirilib - FOTO15 / 01 / 2022, 14:23Sabahdan hava yenidən pisləşəcək: qar yağacaq - XƏBƏRDARLIQ15 / 01 / 2022, 14:02Ötən il 752 min şəxsə sosial müavinət və təqaüd ödənilib15 / 01 / 2022, 13:34İstirahət günü üçün hava proqnozu açıqlanıb15 / 01 / 2022, 13:02İlham Əliyev Amerika Yəhudi Komitəsinin icraçı direktorunu qəbul edib - FOTO - YENİLƏNİB15 / 01 / 2022, 12:36Azərbaycana 27 sm qar yağıb – FAKTİKİ HAVA15 / 01 / 2022, 12:222021-ci ildə pensiya ödənişi üçün xərclənən vəsaitin məbləği açıqlanıb15 / 01 / 2022, 11:51Bakıda telefon və velosiped oğruları saxlanılıb – FOTO – VİDEO15 / 01 / 2022, 11:41Silahlı Qüvvələrin Hərbi Akademiyasının Adyunkturasına qəbul elan edilib15 / 01 / 2022, 11:26
Bütün xəbərlər

Next TV