Fərid Mansurov yeni vəzifəyə təyin edilib

Gənclər və idman nazirinin əmri ilə Fərid Mansurov nazirliyin İdman şöbəsinin müdiri vəzifəsindən azad edilib.

1news.az-ın verdiyi xəbərə görə, bu barədə Azərbaycan Gənclər və İdman Nazirliyinin mətbuat xidməti məlumat yayıb.

Bildirilib ki, idman naziri Fərid Qayıbovun əmri ilə yunan-Roma güləşi üzrə olimpiya çempionu postundan uzaqlaşdırılıb.

Nazirin digər əmri ilə Mansurov Azərbaycan Dövlət Bədən Tərbiyəsi və İdman Akademiyasının idman işləri üzrə prorektoru təyin olunub.