“Ölkədə 500 direktor vəzifəsi boşdur” - Emin Əmrullayev
"Yerlərdə təhsil qurumlarına direktor təyinatı artıq Təhsil Nazirliyi tərəfindən icra olunacaq".
1news.az-ın xəbərinə görə, bunu təhsil naziri Emin Əmrullayev dövlət başçısının dünən təhsillə bağlı imzaladığı sərəncamlara dair brifinqdə bildirib.
"Təhsil prosesi o zaman effektiv olur ki, hamı öz işini düz görür" - deyə, nazir əlavə edib:
“Mənim fikrimcə biz forma dəyişikliklərindən yox, daha çox mahiyyət dəyişikliyindən danışmalıyıq. Direktoru kimin təyin etməsinin fərqi yoxdur. Əsas bu prosesi şəffaf qurmaqdır”.
Nazir bildirib ki, direktorlar müsabiqə yolu ilə seçilirlər və iştirakçıların sayının az olduğu görünür.
"Bu gün ölkədə 500 direktor vəzifəsi boşdur. Problem bacarıq və səriştə ilə əlaqəlidir. Zamanla rəqabətli əmək münasibətləri sistemi ilə məsələnin həlli mümkün olacaq".
