Baş infeksionist “Omicron”la bağlı sualları cavablandırdı: Digər mutasiyalardan fərqləri hansılardır? | 1news.az | Xəbərlər
Cəmiyyət

Baş infeksionist “Omicron”la bağlı sualları cavablandırdı: Digər mutasiyalardan fərqləri hansılardır?

Qafar Ağayev11:37 - 14 / 01 / 2022
Baş infeksionist “Omicron”la bağlı sualları cavablandırdı: Digər mutasiyalardan fərqləri hansılardır?

Səhiyyə Nazirliyinin mütəxəssis-eksperti (baş infeksionist)Təyyar Eyvazov nazirliyin sosial şəbəkələrdəki hesablarına “omicron” ştamı ilə bağlı gələn sualları cavablandırıb.

1news.az Təyyar Eyvazovun cavablarını təqdim edir:

- Koronavirusun yeni variantı olan “omicron” ştamı haqqında nə məlumdur? Yeni ştamın digər mutasiyalardan fərqləri hansılardır?

- Koronavirus infeksiyasının “omikron” variantı ilə yoluxma üçün inkubasiya dövrü sələfləri ilə müqayisədə nəzərəçarpacaq dərəcədə qısadır (əsasən, 1-3 gün). Həmçinin yeni ştam yüksək yoluxucudur. Belə ki, o, artıq bir sıra ölkələrdə “delta” ştamını sıxışdıraraq qısa müddət ərzində dominant ştama çevrildiyi müşahidə olunur. Sürətlə yayılan “omicron” ştamı əksər hallarda daha yüngül keçir, əvvəlki ştamlarla müqayisədə ağır pnevmoniyanın inkişafı daha az rast gəlir, proses əsasən yuxarı tənəffüs yollarında yerləşir.

- Yeni ştamla yoluxma üçün karantin müddəti nə qədərdir?

- Koronavirusun “omicron” variantında yoluxduruculuq, yəni aşkar edilməsi dövrü daha qısadır. Buna əsasən, karantin dövrü bəzi olkələrdə xəstəliyin formasından asılı olaraq 5-7-9 günədək qısaldılıb.

Təyyar Eyvazov

- “Omicron” ştamına yoluxduğu halda bədənin bərpası üçün nə qədər vaxt lazımdır?

- Başqa mutasiyalardan fərqli olaraq, sağalma əksər hallarda daha tez baş verir. “Omicron” və təkrar xəstələnmə hallarından mövcud immuniteti (xəstələnmə və ya vaksinasiya nəticəsində əldə edilmiş) güclü olanlar şəxslər daha çox yayına bilir. Həmçinin tam vaksin olunmuşların xəstələnməsi hallarına daha az rast gəlinir (qorunmaq səviyyəsinin artırılması üçün buster doza tələb olunur).

- “Omicron” ştamı necə aşkarlanır?

– COVID-19-un bir variantı olduğu üçün ənənəvi PZR burun-udlaq yaxma testləri virusu aşkar edilir. Lakin aşkarlanmış koronavirusun “omikron” ştamı olmasını daha mürəkkəb və bahalı olan sekvenləşmə metodu ilə müəyyən olunur.

- “Omicron” ştamının spesifik simptomları hansılardır?

- Yeni ştamın spesifik simptomları yoxdur. Xəstəlik daha çox digər respirator virus infeksiyalarını xatırladır (əsasən subfebril hərarət, ümumi zəiflik, əzginlik, baş ağrısı, əzələ ağrıları, bədəndə qırılmalar, boğazda qaşınma və ya ağrı hissi, quru öskürək, burun axması və ya tıxanması, bəzən mədə-bağırsaq əlamətləri -ürəkbulanma, qusma və s). Dad və iybilmənin itirilməsi daha az rast gəlinir. İndi “omicron” və “delta” olan xəstələri ayırd etmək klinik cəhətdən demək olar ki, mümkün deyil.

- Özünüzü və yaxınlarımızı COVID-19-un yeni mutasiyasından necə qorumalıyıq?

- Yayılan yeni ştamnan qorunmaq üçün ikinci dozadan və yaxud xəstəliyə yoluxub sağaldıqdan 6 ay sonra gücləndirici (buster) doza ilə peyvəndlənmək vacibdir.

Qorunmaq yolları isə eynidir: maska geymək, insanların sıx toplaşdığı məkanlara getməmək, məsafə gözləmək, əl və respirator gigiyena qaydalarına ciddi əməl etmək.

- Sizdə koronavirusun omikron variantının əlamətlərinin olduğunu düşünürsünüzsə, nə etməli?

- Hər bir şəxs məsuliyyətli olmalıdır. Özündə bu əlamətləri hiss etdikdə ilk növbədə özünü təcris etməli, təmaslarını azaltmalı, o cümlədən ailə üzvləri ilə, özü maska geyərək bunu digər ailə üzvlərindən də tələb etməli, sonra həkimə müraciət etməlidir. Valideynlər uşaqlarına qarşı diqqətli olmalı, onlarda xəstəliyin əlamətlərinin olmasını vaxtında aşkarlamalı. Xəstə uşağı evdə təcrid edərək bağçaya və ya məktəbə buraxmamalıdır. Eyni zamanda, vətəndaşlar vaksinasiyada aktiv iştirak etməli və buster dozanı göstərişə uyğun almalıdır.

Paylaş:
142

Son xəbərlər

Dövlət Neft Fondu 2021-ci il üzrə gəlir və xərclərini açıqlayıb – STATİSTİKA18 / 01 / 2022, 18:08Dolların sabaha olan rəsmi məzənnəsi açıqlanıb18 / 01 / 2022, 18:01Narkotikin təsiri altında avtomobil idarə edən şəxs saxlanılıb - FOTO18 / 01 / 2022, 17:51Xəzərdən çəkisi 210 kq olan nəhəng balıq tutuldu - FOTO18 / 01 / 2022, 17:496 restoranda kobud pozuntular aşkarlanıb18 / 01 / 2022, 17:27“Dostu corab geyinməmişdi” - “Beerlin Pub”dakı qətlin təfərrüatı - FOTO18 / 01 / 2022, 17:20Azərbaycanın işğaldan azad etdiyi ərazilərində bir sıra qatı cinayətlərin izləri var18 / 01 / 2022, 17:18Sonuncu Amnistiya Aktı ilə azadlığa buraxılanların sayı açıqlanıb – STATİSTİKA18 / 01 / 2022, 17:10Ölkədə boşanmaların sayı açıqlandı18 / 01 / 2022, 17:02Bağça müdirləri və işçilərin əmək müqaviləsinin müddəti uzadılıb18 / 01 / 2022, 16:55Milli Məclisin Regional məsələlər komitəsinində 2 məsələ müzakirəyə çıxarılıb18 / 01 / 2022, 16:52Xocavənddə işləyən şəxsdən narkotik aşkarlanıb18 / 01 / 2022, 16:24Tolik canlı yayımda ağladı: Allah mənə qənim oldu - VİDEO18 / 01 / 2022, 16:18Azərbaycan Ordusunun Baş Qərargah rəisi Bolqarıstan nümayəndə heyəti ilə görüşüb - FOTO18 / 01 / 2022, 16:16Xalq Bankın ödəniş kartları ilə səyahət daha sərfəlidir!18 / 01 / 2022, 16:05Azərbaycanda işsizlərin sayı açıqlanıb18 / 01 / 2022, 16:01“Rus dili dərsliyində xətaya yol verilib, dəyişilməlidir” - Rəsmi18 / 01 / 2022, 15:56Nazarbayev xalqa videomüraciətİ yayıldı: “Qazaxıstanın paytaxtında istirahətdəyəm” - VİDEO18 / 01 / 2022, 15:49Keçən il 70 minə yaxın ölüm qeydə alınıb18 / 01 / 2022, 15:29BNA Bakının bu küçəsində parklanma ilə bağlı pilot layihəyə start verib - VİDEO18 / 01 / 2022, 15:27
Bütün xəbərlər

Next TV