Deputat Aqil Abbasın oğluna töhmət verilib? - DİN-dən AÇIQLAMA
"Binəqədi Rayon Polis İdarəsinin 7-ci Polis Bölməsinin rəisi, polis polkovnik-leytenantı Tuncay Abbasovun işində yol verdiyi nöqsanlara görə töhmət alması ilə bağlı yayılan iddialar əsassızdır".
1news.az-ın məlumatına görə, bu barədə Nazirliyin şöbə rəisi, polis mayoru Elşad Hacıyev deyib.
"Daxili işlər naziri, general-polkovnik Vilayət Eyvazovun bu xüsusda hansısa əmri olmayıb. Polis əməkdaşları barəsində hər hansı məlumatı yayarkən dəqiqləşdirmə aparılmasını tövsiyə edirik", - E.Hacıyev deyib.
Qeyd edək ki, Tuncay Abbasov Milli Məclisin deputatı Aqil Abbasın oğludur.
512
