İşğaldan azad edilmiş ərazilərə müntəzəm avtobus marşrutlarının açılması - “Çıxışa doğru”da MÜZAKİRƏ – FOTO – VİDEO
Müxtəlif sosial qruplardan olan insanların işğaldan azad edilən ərazilərə mütəmadi səfərlərinin təşkili və yenidənqurma işlərinin genişlənməsi ilə əlaqədar olaraq müvafiq icazə əsasında ezam edilən işçilərin say çoxluğu müntəzəm avtobus marşrutunun yaradılmasını zəruri edir.
Bu məqsədlə, ilkin olaraq daşımaların və sərnişinlərin təhlükəsizliyi nəzərə alınmaqla ən çox ehtiyac duyulan istiqamətlər üzrə müntəzəm avtobus marşrutlarının yaradılması qərara alınıb.
1news.az-ın verdiyi xəbərə görə, AzTV-nin “Çıxışa doğru” verilişində " İşğaldan azad edilmiş ərazilərə müntəzəm avtobus marşrutlarının açılması" mövzusunda aparılan müzakirələr zamanı bu barədə ətraflı danışılıb. Verilişin qonaqları – Dövlət Avtomobil Nəqliyyatı Xidmətinin rəisi Anar Rzayev, Elektron Hökumətin İnkişafı Mərkəzinin direktoru Fariz Cəfərov, Daxili İşlər Nazirliyinin Baş İctimai Təhlükəsizlik İdarəsinin rəis müavini Eldəniz Məmmədov və ANAMA İdarə Heyəti sədrinin müavini Samir Poladov mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
