Bakı-İstanbul marşrutu üzrə təxirə salınan reyslərinin sərnişinləri yola salınıb
“Azərbaycan Hava Yolları” QSC-nin Bakı-İstanbul marşrutu üzrə təxirə salınmış hər 3 reysinin sərnişinləri təyinat hava limanına ən böyük geniş füzelyajlı təyyarə olan "Airbus A340" ilə yola salınıb.
1news.az-ın verdiyi xəbərə görə, bu barədə AZAL məlumat yayıb.
Məlumata görə, İstanbul-Bakı marşrutu üzrə ləğv edilmiş reyslərinin sərnişinləri də eyni təyyarə ilə Bakıya qayıdacaqlar.
Xatırladaq ki, güclü qar yağması səbəbindən İstanbul hava limanı fəaliyyətini dayandırılıb, AZAL-ın bir neçə reysi gecikib və təxirə salınıb.
644
