Bakıda 15 yaşlı qızın öldüyü xəstəxanadan reportaj – VİDEO
“Uşaq dünyaya gətirən 15 yaşlı qızın xəstəxanaya gətirilən zaman vəziyyəti ağır idi”.
1news.az-ın Report-a istinadla verdiyi xəbərə görə, bu barədə 3 saylı Şəhər Klinik Xəstəxanasının həkim-ginekoloqu Pərvanə Orucova deyib.
O bildirib ki, xəstənin həyati vacib göstəricilərinin sıfır olduğu müəyyən edildikdə qız xəstəxananın reanimasiya şöbəsinə göndərilib:
“Aparılan reanimasyon tədbirlərə baxmayaraq, xəstə qısa zaman kəsiyində dünyasını dəyişdi. Anasının və ərinin dediyinə görə, qızın bir gün öncə hamiləliyi pozulub, döl tələf olub. Hamiləliyin kim tərəfindən və hansı formada pozulması ilə bağlı heç bir məlumat yoxdur. Ərinin söylədiyinə görə, bu, 1 saat əvvəl, anasının dediyinə görə isə bir gün öncə olub”.
Qeyd edək ki, fevralın 4-də paytaxtın Xəzər rayonu, Binə qəsəbəsi sakini 6 may 2006-cı il təvəllüdlü Nigar Rüstəmova (ad və soyad şərtidir) və bətnindəki döl ölüb. O, 10 ay əvvəl 1993-cü il təvəllüdlü şəxs ilə ailə həyatı qurubmuş.
Hazırda faktla bağlı Xəzər Rayon Prokurorluğunda araşdırma aparılır.
Mövzu ilə əlaqədar oxuyun:
Bakıda 15 yaşlı qız uşaq dünyaya gətirib, özü və körpəsi ölüb
Prokurorluqdan Bakıda hamilə qalan 15 yaşlı qızın ölümü ilə bağlı MƏLUMAT
