Bu il 6 mülki şəxs minaya düşüb
Rəsmi strukturlardan, regional koordinatorlardan və digər mənbələrdən alınmış məlumatlar nəticəsində 2022-ci ilin fevral ayında 2 hadisə nəticəsində 3 nəfərin minalardan və partlamamış hərbi sursatlardan zərər çəkdiyi qeydə alınıb.
1news.az-a Minalar Əleyhinə Azərbaycan Kampaniyası İctimai Birliyindən verilən məlumata görə, nəticədə bir mülki şəxs kasetli silah qalığının partlamasından həlak olub və iki mülki şəxs isə piyada əleyhinə mina partlamasından yaralanıb.
"2022-ci ilin fevral ayında minalar və partlamamış hərbi sursatlarla bağlı hadisələr Yevlax və Tərtər rayonlarının ərazisində baş verib.
Ümumilikdə 2022-ci ilin ilk iki ayında 6 nəfərin minalardan və partlamamış hərbi sursatlardan zərər çəkdiyi qeydə alınıb", - açıqlamada deyilir.
Minalar Əleyhinə Azərbaycan Kampaniyası ictimai birliyi mülki əhaliyə müraciət edərək xahiş edir ki, işğaldan azad olunmuş ərazilərə səfər etməsinlər, partlamamış hərbi sursatlara toxunmasınlar.
Mövzu ilə əlaqədar oxuyun:
Azərbaycan 15 ermənini verib 97 min mina xəritəsini aldı
Azərbaycana xüsusi təlim keçmiş iki minaaxtaran it gətirilib
ABŞ Azərbaycana 10 minaaxtaran it göndərib
ANAMA Yevlaxdakı partlayışla bağlı məlumat yayıb
Yevlaxda ermənilərin müharibə dövründə atdığı kasetli bomba partladı, çoban öldü
Yevlaxda partlayışın baş verdiyi ərazidə 17 ədəd kasetli bomba aşkarlanıb
