Emin Ağalarov Bakıda keçiriləcək “Jara-2022” musiqi festivalının təxirə salındığını elan etdi

İyulun sonunda Azərbaycan paytaxtında keçirilməsi planlaşdırılan “Jara-2022” Beynəlxalq Musiqi Festivalı baş tutmayacaq.

1neww.az xəbər verir ki, bu barədə Azərbaycanın xalq artisti Emin Ağalarov İnstaqram sosial şəbəkəsindəki səhifəsində bildirib.

“Dünyadakı mövcud vəziyyətə görə biz bu il Bakıda “Jara” Festivalının keçirilməyəcəyini elan etməyə məcburuq. Amma nəzərə alsaq ki, Sea Breeze Resort bakılılar və Bakı şəhərinin qonaqları üçün sevimli məkan olub və qalmaqda davam edir, biz qonaqlarımızı məyus etməmək üçün əlimizdən gələni edəcəyik. Yaxın günlərdə xəbərləri izləməkdə qalın”.

Qeyd edək ki, E.Ağalarov “Jara” beynəlxalq musiqi festivalının təşkilatçılarından biridir.