Bakıda moped sürücülərinə nəzarətlə bağlı profilaktiki tədbirlər keçirilib - FOTO
Bakıda mopeddən istifadə edən şəxslərlə bağlı nəzarət profilaktiki tədbirlər keçirilib.
Bu barədə 1news.az-a Bakı Şəhər Dövlət Yol Polisi (DYP) İdarəsinin baş inspektoru polis mayoru Araz Əsgərli deyib.
Bildirilib ki, Səbail rayonu DYP şöbəsinin əməkdaşları tərəfindən baş tutan tədbirə Daxili İşlər Nazirliyi yanında İctimai Şura da dəvət olunub:
“Mopedlərin nasaz vəziyyətdə istifadə olunması, yol hərəkəti və təhlükəsizlik qaydalarına əməl olunmaması bunun nəticəsində isə qəzaların sayının artması ictimaiyyətin ciddi şəkildə narahatlıq və narazıçılığına səbəb olan hallardır. Tədbirdə moped istifadəçilərinə kaskadan istifadə etmələri ümumi nəzərdə tutulan qaydaları pozmamaları tələb edilib. Xüsusilə də kuriyer xidmətini həyata keçirən şəxslərlə söhbət aparılıb.
Əhalidən də xahiş edirik ki, bu cür işlərlə məşğul olan şəxlərin fəaliyyət istiqamətlərini daha da çətinləşdirməsinlər. Aparılan sorğular zamanı mopeddən istifadə edən şəxslər bildirirlər ki, qayda pozmalarına əsas səbəb sifarişçilərin onları bir çox hallarda tələsdirmələri olur.
Nəzərə almaq lazımdır ki, bu hadisələrdən ən çox əziyyət çəkən, xəsarət alanlarda elə moped istifadəçiləridir. Belə tədbirlər indiyə qədər əsasan, Nərimanov, Nəsimi, Yasamal və Səbail rayonları ərazilərində keçirilib və mütəmadi olaraq da baş tutacaq”.
“Əlavə olaraq bildirmək istəyirik ki, bu sahədə qanunvericiliyə dəyişiklik, yəni mopedlər üçün , (mühərrik həcmləri 50 kub metrə qədər olan) dövlət qeydiyyatına alınması, eyni zamanada onların sürücülük hüquqlarının təmin olunması ilə bağlı müvafiq qanunvericiliyə Daxili İşlər Nazirliyi tərəfindən təkliflər verilib. Təkliflər hökümət tərərfindən müsbət qarşılanıb.
Yaxın zamanlarda bu növ nəqliyyat vasitələrinin idarə edən şəxslərin də hüquqlarının, eyni zamanda məsuliyyətlərinin artırılması istiqamətində də normativ hüquqi bazaya dəyişikliklər olunacaq beləliklədə kortəbii şəkildə təsadüfi adamlar bu növ nəqliyyat vasitələrini idara edərkən daha məsuliyyətli olmağa məcbur olacaq bu isə problemlərin bir qismini həll edəcək”, - o vurğulayıb.
