Baş pastor: Azad olunmuş torpaqlarda dua oxumaq bizə nəsib oldu

“Bu bayram günlərində burada olduğumuz üçün tanrıya şükür edirik. Azad olunmuş torpaqlarda dualar oxumaq bizə nəsib oldu”.

1news.az-ın Report-a istinadla verdiyi xəbərə görə, bu fikirləri “Həyat sözü” xristian dini icmasının baş pastoru Yusif Fərhadov Hadrutda jurnalistərə bildirib.

“Biz 30 ildən sonra torpaqlarımıza qayıtdıq. Bu torpaqlarda sülh əbədi olsun!” – o bildirib.

Xatırladaq ki, ölkənin xristian dini icmaları nümayəndələri Xocavənd rayonunun işğaldan azad olunmuş Hadrut qəsəbəsinə gəliblər. Bu səfər Mənəvi Dəyərlərin Təbliği Fondunun dəstəyilə Dini Qurumlarla İş Üzrə Dövlət Komitəsi tərəfindən Pasxa bayramı münasibətilə təşkil olunub.