FHN yanğın baş verən ərazidən son görüntüləri yayıb - VİDEO
Fövqəladə Hallar Nazirliyi (FHN) yanğın baş verən ərazidən yeni görüntüləri yayıb.
1news.az xəbər verir ki, əraziyə 10-dan artıq yanğınsöndürmə briqadası cəlb edilib.
Xatırladaq ki, FHN-nin "112" qaynar telefon xəttinə Sumqayıt şəhərinin Hacı Zeynalabdin qəsəbəsində "Azərsun Sənaye Parkı”nın ərazisində yanğın olması barədə məlumat daxil olub.
Fövqəladə hallar naziri general-polkovnik Kəmaləddin Heydərov yanğın baş verən əraziyə gəlib.
Yanğınla mübarizə tədbirlərinə ümumilikdə Fövqəladə Hallar Nazirliyinin Dövlət Yanğından Mühafizə Xidməti, Mülki müdafiə qoşunları, Sumqayıt Regional Mərkəzinin müvafiq qüvvələri və Aviasiya dəstəsinin 2 ədəd helikopteri cəlb olunub.
Yanğının daha geniş əraziyə yayılmasının qarşısının alınması və söndürülməsi istiqamətində təxirəsalınmaz tədbirlər davam etdirilir.
Həmçinin bax: Kəmaləddin Heydərov Sumqayıtda yanğın baş verən ərazidə olub - VİDEO
