Səhiyyə sahəsində aparılan dəyişikliklərə aydınlıq gətirib - Birgə məlumat | 1news.az | Xəbərlər
Cəmiyyət

Səhiyyə sahəsində aparılan dəyişikliklərə aydınlıq gətirib - Birgə məlumat

Qafar Ağayev15:37 - 14 / 05 / 2022
Səhiyyə sahəsində aparılan dəyişikliklərə aydınlıq gətirib - Birgə məlumat

Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB birgə məlumat yayıb.

1news.az-ın xəbərinə görə, məlumatda deyilir:

"Əhalinin sağlamlığının qorunması sahəsində həyata keçirilən fəaliyyətlərin effektivliyini artırmaq, səhiyyə sisteminin maliyyə dayanıqlığını və vətəndaşların keyfiyyətli səhiyyə xidmətlərinə əlçatanlığını təmin etmək məqsədilə Azərbaycan Respublikası Prezidenti tərəfindən 13 may 2022-ci il tarixində Fərman imzalanmışdır.

Fərmana əsasən Azərbaycan Respublikası Səhiyyə Nazirliyinə səhiyyə sisteminin iştirakçılarını və aidiyyəti dövlət qurumlarını cəlb etməklə Səhiyyənin Transformasiyası Mərkəzi İşçi qrupunu yaratmaq tapşırılmışdır. Səhiyyənin Transformasiyası Mərkəzinin yekun hədəfi Azərbaycan vətəndaşının səhiyyə sistemindən məmnunluğunun artırılmasına yönəlib. Bu baxımdan, səhiyyə sisteminin əsas iştirakçılarının əlaqəli fəaliyyətini təmin etmək məqsədilə normativ hüquqi bazanın və idarəetmə modellərinin təkmilləşdirilərək tətbiqinə ehtiyac vardır. Mərkəz tərəfindən qarşısına qoyulan tapşırıqların icrası ilə bağlı mövcud vəziyyət, eləcə də beynəlxalq təcrübə təhlil olunaraq İşçi qrupun üzvləri ilə razılaşdırılmış təkliflər təqdim olunacaqdır.

Fərmanla elmi-tədqiqat müəssisələri Səhiyyə Nazirliyinin tabeliyinə verilmişdir. Elmi-tədqiqat institutları, elmi mərkəzlər təhsil prosesində klinik baza rolunu oynayır, rezidentlərin hazırlanmasında və həkimlərin təkmilləşdirilməsində bu müəssisələrin rolu əvəzsizdir.

Azərbaycan Respublikası Səhiyyə Nazirliyinin fəaliyyətinin müasir dövrün çağırışlarına uyğunlaşdırılması və səhiyyə sisteminin davamlı inkişafı əlavə insan resurslarına ehtiyac yaratmışdır. Səhiyyə sistemində fəaliyyət göstərən tibb işçiləri ilə ardıcıl işin aparılması, sistemin davamlı təkmilləşdirilməsi, fəaliyyətin günün tələblərinə uyğun qurulması üçün nazirliyin aparatının ştat vahidlərinin sayı 130-a çatdırılmışdır.

Fərmana əsasən “Tibbi Ərazi Bölmələrini İdarəetmə Birliyi” publik hüquqi şəxsin (bundan sonra – TƏBİB) fəaliyyətinə ümumi rəhbərliyi və nəzarəti Müşahidə Şurası həyata keçirəcək. TƏBİB-in Müşahidə Şurası İcbari Tibbi Sığorta üzrə Dövlət Agentliyinin İdarə Heyətinin sədrindən, Azərbaycan Respublikası səhiyyə nazirinin müavinindən, Azərbaycan Respublikası əmək və əhalinin sosial müdafiəsi nazirinin müavinindən, İcbari Tibbi Sığorta üzrə Dövlət Agentliyinin İdarə Heyəti sədrinin müavinindən və Səhiyyə İşçiləri Həmkarlar İttifaqının sədrindən ibarət tərkibdə fəaliyyət göstərir. TƏBİB-in fəaliyyətinə cari rəhbərliyi isə TƏBİB-in Müşahidə Şurasının vəzifəyə təyin və vəzifədən azad etdiyi İcraçı direktor və onun 3 müavini həyata keçirir.

“Tibbi sığorta haqqında” Azərbaycan Respublikasının Qanununa uyğun olaraq xidmətlər zərfinə daxil olmayan və TƏBİB-in tabeliyindəki dövlət tibb müəssisələri tərəfindən əhaliyə ödənişli əsaslarla göstərilən tibbi xidmətlərin tariflərini, habelə həmin Qanuna əsasən sığortaolunan hesab edilməyən şəxslərə göstərilən tibbi xidmətlərin tariflərini TƏBİB müəyyən edir", - açıqlamada qeyd olunur.

Paylaş:
63

Son xəbərlər

Medianın İnkişafı Agentliyində “Albayrak Media Group”unun rəhbərliyi ilə görüş keçirilib25 / 05 / 2022, 19:50Dolların sabaha olan rəsmi məzənnəsi açıqlanıb25 / 05 / 2022, 18:01Əziz Sancar "Texnofest"də iştirak üçün Azərbaycana gələcək25 / 05 / 2022, 17:54“Qızıl top”un təqdim ediləcəyi tarix açıqlandı25 / 05 / 2022, 17:53Heydər Əliyev Fondunun dəstəyi ilə “Azərbaycan xalçası-ilmələrin rəqsi” adlı yeni xalça kolleksiyası və kitabı təqdim olunacaq25 / 05 / 2022, 17:38Sabah üç rayonda qaz kəsiləcək25 / 05 / 2022, 17:22Vüqar Rəhimzadə: Bu gün Türkiyə-Azərbaycan münasibətləri tarixin ən yüksək zirvəsindədir25 / 05 / 2022, 17:05Peyvənd olunanların sayı açıqlanıb25 / 05 / 2022, 16:42Bu gün 9 nəfər koronavirusa yoluxub, ölən olmayıb – STATİSTİKA25 / 05 / 2022, 16:38Prezident Azərbaycan-Latviya müdafiə sahəsində əməkdaşlıq Sazişini təsdiqləyib25 / 05 / 2022, 16:23Zakir Həsənov Selçuk Bayraktarla görüşdü - FOTO25 / 05 / 2022, 16:18Prezident Administrasiyasında Gələcək Azərbaycan Partiyasının sədri ilə görüş keçirilib25 / 05 / 2022, 16:10Mənzil və obyekt alışına görə də ƏDV geri qaytarılacaq25 / 05 / 2022, 15:52İlham Əliyev Gürcüstan dövlət başçısını təbrik edib25 / 05 / 2022, 15:50Mahmud Abbas Prezident İlham Əliyevə təbrik məktubu ünvanlayıb25 / 05 / 2022, 15:42Selçuk Bayraktar qırıcı təyyarə ilə Bakı səmasında uçdu - VİDEO25 / 05 / 2022, 15:17“TEKNOFEST Azərbaycan” çərçivəsində “Smart Qarabağ” Hakatonuna start verildi25 / 05 / 2022, 14:58İstanbulda Azərbaycanın işgüzar turizm imkanları tanıdılır25 / 05 / 2022, 14:49Heydər Əliyev Fondunun dəstəyi ilə yeni xalçaların təqdimatı və “AFFFAIR in Carpets” defiləsi olacaq25 / 05 / 2022, 14:37Azərbaycan hərbi pilotları “Anadolu Qartalı-2022” təlimində iştirak edir – FOTO25 / 05 / 2022, 14:18
Bütün xəbərlər

Next TV