Məktəblilər üçün “Şuşa ili – Zəfərimizin tarixi” adlı interaktiv muzey həftəsinə start verilib - FOTO | 1news.az | Xəbərlər
Cəmiyyət

Məktəblilər üçün “Şuşa ili – Zəfərimizin tarixi” adlı interaktiv muzey həftəsinə start verilib - FOTO

15:56 - 19 / 05 / 2022
Məktəblilər üçün “Şuşa ili – Zəfərimizin tarixi” adlı interaktiv muzey həftəsinə start verilib - FOTO

Cari ilin 18-24 may tarixlərində “Məktəblilər üçün muzey həftəsi” layihəsi çərçivəsində bu il seçilən "Şuşa ili – Zəfərimizin tarixi” adlı interaktiv proqrama start verilib.

1news.az xəbər verir ki, proqram Təhsil Nazirliyinin dəstəyi, Azərbaycan Respublikası Mədəniyyət Nazirliyi, Azərbaycan Milli Elmlər Akademiyası, Şuşa Şəhəri Dövlət Qoruğu İdarəsi, “İçərişəhər” Dövlət Tarix-Memarlıq Qoruğu İdarəsinin əməkdaşlığı və Təhsil Nazirliyi Respublika Uşaq-Gənclər İnkişaf Mərkəzinin təşkilatçılığı ilə icra edilir.

Proqramın məqsədi Azərbaycan Respublikası Prezidenti İlham Əliyevin sərəncamı ilə 2022-ci ilin “Şuşa ili” elan edilməsi və bu sərəncama əsasən Azərbaycan və Cənubi Qafqazın mədəni və ictimai-siyasi həyatında müstəsna rol oynayan Şuşa şəhərinin bu il 270 illik yubileyinin qeyd olunması məqsədi ilə milli-mədəni və tarixi irsimizin təbliğ olunması, Azərbaycan xalqının çoxəsrlik ənənələrə malik qəhrəmanlığını, vətənpərvərliyini, fədakarlığını, milli-mənəvi dəyərlərə bağlılığını təbliğ etmək, Şuşada və Bakı şəhərində fəaliyyət göstərən bir sıra tarixi abidələrin və muzeylərin kolleksiya fondu ilə tanış etməkdir.

Proqram çərçivəsində may ayının 18-24 tarixləri arasında hər gün Şuşa Şəhəri Dövlət Qoruğu İdarəsi, Şuşa qalası, Bülbülün ev-muzeyinə (Şuşa), Heydər Əliyev Mərkəzinə, AMEA Milli Azərbaycan Tarixi Muzeyi, AMEA Nizami Gəncəvi adına Azərbaycan Ədəbiyyatı Muzeyinə, Azərbaycan Milli Xalça Muzeyinə, Azərbaycan Milli İncəsənət Muzeyinə, Azərbaycan İstiqlal Muzeyinə, Azərbaycan Respublikası Xalq Təhsili Muzeyinə, Azərbaycan Hərb Tarixi Muzeyinə, Azərbaycan Musiqi Mədəniyyəti Dövlət Muzeyinə, Tusi-Bohm Planetariuma, Üzeyir Hacıbəyovun ev-muzeyinə, Bülbülün ev-muzeyinə, Qara Qarayevin ev-muzeyinə, ekskursiyalar təşkil ediləcək.

Muzey həftəsi ərzində şagirdlərə muzeylərin bələdçiləri tərəfindən qorunan və ekspozisiyada nümayiş olunan eksponatlar, maddi-mədəni nümunələr haqqında ətraflı məlumat veriləcək.

"Şuşa ili – Zəfərimizin tarixi” adlı interaktiv proqramın onlayn formatda keçirilən açılış mərasimində Təhsil Nazirliyi Respublika Uşaq-Gənclər İnkişaf Mərkəzinin direktoru Firuzə Sultan-zadə, tarix üzrə fəlsəfə doktoru və əməkdar mədəniyyət işçisi Fikrət Abdullayev, Şuşa Şəhəri Dövlət Qoruğu İdarəsinin İctimaiyyətlə Əlaqələr və İnformasiya Təminatı şöbəsinin aparıcı mütəxəssisi Həlimə Tağıyeva, Şuşa şəhəri Ü.Hacıbəyovun ev-muzeyinin direktoru Nəsibə Eyvazova salamlama nitqi ilə çıxış ediblər.

Mayın 18-də “Məktəblilər üçün muzey həftəsi” layihəsi çərçivəsində "Şuşa ili – Zəfərimizin tarixi” adlı interaktiv proqramında Şuşa Şəhəri Dövlət Qoruğu İdarəsinə, Şuşa şəhərində yerləşən Bülbülün ev muzeyinə və Şuşa qalasına “Zoom” platforması vasitəsilə onlayn ekskursiya təşkil olunub.

Tədbirin sonu qonaqların şagirdlərin suallarını cavablandırması ilə yekunlaşıb.

Qeyd edək ki, 18 may tarixi dünyanın 150-dən çox ölkəsində Beynəlxalq Muzeylər Günü (International Museum Day) kimi qeyd olunur. Bununla əlaqədar olaraq, 2015-ci ildən başlayaraq Təhsil Nazirliyi Respublika Uşaq-Gənclər İnkişaf Mərkəzi və YUNESKO üzrə Azərbaycan Respublikasının Milli Komissiyasının birgə təşəbbüsü ilə keçirilən “Məktəblilər üçün muzey həftəsi” layihəsinə start verilib və onun əsasında yeni interaktiv təhsil proqramı yaradılıb. Proqram çərçivəsində hər il mayın 18-dən 26-dək bir həftə ərzində Bakı şəhəri və regionlarda fəaliyyət göstərən muzeyləri əhatə etməklə “Muzey həftəsi” keçirilir.

Paylaş:
489

Son xəbərlər

Dövlət Xidməti 2 ayda 11 min mənşə sertifikatı veribBu gün, 17:50Ceyhun Bayramov Rusiya XİN-in xüsusi tapşırıqlar üzrə səfiri ilə cari vəziyyəti müzakirə edibBu gün, 17:38Mikayıl Cabbarov Alessandra Rokkasalvo ilə görüşdü, tərəfdaşlıq istiqamətləri barədə müzakirə aparılıbBu gün, 17:30AZAL-ın yay uçuş cədvəlində dünyanın 50-dən çox şəhəri yer alıbBu gün, 17:19Hikmət Hacıyev: ABŞ-nin sülh prosesində Ermənistanın xeyrinə birtərəfli mövqe tutması çox məyusedicidirBu gün, 17:10Milli Məclisin deputatı Özbəkistana səfər edəcəkBu gün, 17:00Meteohəssas insanların diqqətinə!Bu gün, 16:59Cəlillabadda məktəb direktorunun məhkəməsi başlayırBu gün, 16:44Sumqayıtda fəhlə işlədiyi zavodda ölübBu gün, 16:41Nobel Mükafatı Laureatı, professor Muhammad Yunus UNEC Rektoruna müraciət edibBu gün, 16:29ADY-nin Bakıətrafı sərnişindaşıma xidmətinin qismən subsidiyalaşdırılmasına başlanılırBu gün, 16:22Güclü külək əsəcək - XƏBƏRDARLIQBu gün, 16:15Bakının mərkəzində qəza sıxlığa səbəb olduBu gün, 16:01Havada toz müşahidə olunurBu gün, 15:418 Noyabr prospektində əsaslı təmir işləri aparılır - FOTOBu gün, 15:32Bu gündən 181 avtobus yeni nəqliyyat mübadilə mərkəzindən hərəkət edəcəkBu gün, 15:21Azərbaycanın səfiri etimadnaməsini Ekvador Prezidentinə təqdim edibBu gün, 15:10Sahil Babayev Neftçalada vətəndaşları qəbul edibBu gün, 14:54Laçında uşaqların kompleks tibbi müayinəsi aparılıb - FOTOBu gün, 14:43Salyan sakinindən 2 kiloqramdan artıq heroin götürülübBu gün, 14:22
Bütün xəbərlər