Çiçəklənən Balaxanıda “Flora Bazar” yaz yarmarkası – FOTO | 1news.az | Xəbərlər
Cəmiyyət

Çiçəklənən Balaxanıda “Flora Bazar” yaz yarmarkası – FOTO

S.Xankişiyeva14:50 - 24 / 05 / 2022
Çiçəklənən Balaxanıda “Flora Bazar” yaz yarmarkası – FOTO

Pandemiya şərtlərinin yumşaldılması və günəşli havaların gəlməsi ilə şəhərimizin müxtəlif məkanlarında yarmarkalar, sərgilər və festivallar keçirilir.

Belə tədbirlərin əsas məqsədi ticarət olsa da, buraya yığışan insanlar üçün bu, hər zaman keçərli deyil. Ünsiyyət, xoş vaxt keçirmək, əyləncə və s. kimi insanların mənəvi tələbatlarını ödəyən amillər birinci planda yer alaraq, tədbirlərin daha əlvan və şən keçməsinə səbəb olur.

Belə tədbirlərdən biri də 14-15 və 21-22 may tarixlərində qədimliyi qorunaraq restavrasiya edilmiş və mədəniyyətimizin dərin izlərini özündə daşıyan Balaxanı qəsəbəsində keçirildi.

Restavrasiyadan sonra gül-çiçək cənnətinə çevrilən Balaxanıda keçirilən tədbirə yalnız "Flora Bazar" adı yaraşardı ki, bu ad altında əlvan çiçəklərin, yamyaşıl bitkilərin təbii gözəlliyinin gözləri və könülləri oxşadığı dörd gün xoş xatirələrlə ötdü.

Şəhərimizin dörd bir tərəfindən gələn yerli və xarici qonaqların, kiçikdən böyüyə hər kəsin heyran qaldığı yaz yarmarkasında əl işi qida, dekorativ və kosmetik məhsulların da sərgisi və satışı baş tutdu. Yerli brendlərdən ibraət olan "Flora Bazar"da brend təmsilçiləri ziyarətçilərə məhsulların keyfiyyəti, hazırlanması, cəmiyyətə çatdırmaq istədikləri ideya haqqında danışdılar.

"Bayramlar uşaqlar üçün var" deyərkən, çox düz ifadə ediblər: bu yarmarkanın əsas ziyarətçi hissəsini təşkil edən uşaqların əyləncəsinə söz ola bilməzdi. Rəngarəng masaların və stendlərin arasında yorulmadan qaçıb-oynayan, enerjiləri ilə yarmarkamızı şənləndirən uşaqlar buradan ayrılmaq istəmirdilər.

Zəngin mədəniyyətli ölkəmizdə heç bir tədbir musiqisiz və rəqssiz keçməz və, təbii ki, "Flora Bazar" da istisna olmadı.

Fərqli tərz musiqi sədaları altında bir-birlərini tanımadan rəqs edərək birləşən qonaqlar video və şəkillərini sosial media üzərindən paylaşaraq hər hansı səbəbdən yarmarkaya gələ bilməyən və ya xəbəri olmayan insanların da marağına səbəb oldular.

Elə buna görə də "Flora Bazar" yaz yarmarkasının təşkilatçıları çox ara vermədən yeni tədbirlərin təşkili üzrə danışıqlara və hazırlıqlara başladıqlarını bildirdilər.

Biz isə ölkəmizdə hər zaman firavan yaşayaraq, günlərimizin bayram kimi keçməsindən xoşbəxtlik hissi duyuruq. Gələcək tədbirlərdə görüşənədək.

Reklam hüququnda

Paylaş:
757

Son xəbərlər

Elm və təhsil naziri Londonda “Clarivate Analytics” şirkətinin rəhbərliyi ilə görüşübBu gün, 17:45Prokurorluq plastik cərrahiyyə və digər estetik prosedurların keçirilməsi ilə bağlı vətəndaşlara müraciət edibBu gün, 17:42Bu rayonda 3 gün qaz olmayacaqBu gün, 17:28Milli Məclisdən Lüksemburq Deputatlar Palatasının sədrinin qərəzli fikirlərini CAVABBu gün, 17:27Əli Əsədovun rəhbərlik etdiyi Azərbaycan nümayəndə heyəti Tehranda anım mərasimində iştirak edib - VİDEO - YENİLƏNİB 2Bu gün, 17:13Mətbuat Şurası tanınmış jurnalist Ramiz Əskərin vəfatı ilə bağlı nekroloq yayıbBu gün, 17:12Bakının 8 Noyabr prospektində nəqliyyat vasitələrinin hərəkəti məhdudlaşdırılacaqBu gün, 16:48İyunun 2-də I və IV qruplar üçün qəbul imtahanları keçiriləcəkBu gün, 16:35Biləsuvarda Birinci Qarabağ müharibəsinin şəhidi Elbrus İsaqov dəfn edilib - YENİLƏNİBBu gün, 16:11Prezident Administrasiyasının Hərbi məsələlər şöbəsinə müdir təyin olunubBu gün, 16:09Sabirabadda Birinci Qarabağ müharibəsinin şəhidi Zülfüqar Abbasov dəfn edilib - YENİLƏNİBBu gün, 16:09Daxili Qoşunların Ali Hərbi Məktəbinin adı dəyişdirilibBu gün, 16:05Tərtərdə Birinci Qarabağ müharibəsinin şəhidi Ədalət Əliyev dəfn edilibBu gün, 16:04Bakı-Şamaxı-Yevlax yolunda hərəkət qismən məhdudlaşdırılacaqBu gün, 16:03Birbank-dan daha bir yenilik: Ninja təklifi artıq mobil tətbiqdəBu gün, 15:55Lerikdə Birinci Qarabağ müharibəsinin şəhidi Zahid Abbasov dəfn edilibBu gün, 15:32Ucarda Birinci Qarabağ müharibəsinin şəhidi Şöhrət Nuriyev dəfn edilib - FOTOBu gün, 15:27Elm və Təhsil Nazirliyi yanında İctimai Şuranın yeni tərkibi formalaşdıBu gün, 15:20ADY nümayəndə heyəti Çin Xalq Respublikasında rəsmi səfərdə olubBu gün, 15:05Tanınmış türkoloq və tərcüməçi Ramiz Əskər vəfat edibBu gün, 14:29
Bütün xəbərlər