İstanbulda Azərbaycanın işgüzar turizm imkanları tanıdılır | 1news.az | Xəbərlər
Cəmiyyət

İstanbulda Azərbaycanın işgüzar turizm imkanları tanıdılır

Qafar Ağayev14:49 - 25 / 05 / 2022
İstanbulda Azərbaycanın işgüzar turizm imkanları tanıdılır

Azərbaycanın işgüzar turizm imkanları mayın 25-də İstanbul şəhərində işinə başlayan “ACE of MICE” beynəlxalq turizm sərgisində nümayiş etdirilir.

1news.az xəbər verir ki, Sərgidə ölkəmizi Dövlət Turizm Agentliyinin təşkilatçılığı ilə turizm agentlikləri, hotellər, Bakı Konqres Mərkəzi, Heydər Əliyev Mərkəzi və “Azərbaycan Hava Yolları” QSC daxil olmaqla 13 təşkilat təmsil edir.

Sərgi çərçivəsində Azərbaycanda işgüzar tədbirlər təşkil etməkdə maraqlı olan və işgüzar turizm üzrə ixtisaslaşmış şirkətlər və qurumlarla ikitərəfli görüşlər keçirilir, ölkəmizin bu sahədə potensialı tanıdılır.

Görüşlərdə beynəlxalq tədbirlərin və biznes görüşlərin keçirilməsi üçün geniş və müasir imkanlara malik Qafqazın ən böyük konqres mərkəzi hesab olunan Bakı Konqres Mərkəzi, Heydər Əliyev Mərkəzi və Bakı Ekspo Mərkəzi kimi beynəlxalq səviyyəli məkanlar haqqında məlumatlar diqqətə çatdırılır.

Sərgidə Türkiyə Səyahət Agentlikləri Birliyinin (TÜRSAB) İdarə Heyətinin sədri Firuz Bağlıkaya Azərbaycan stendini ziyarət edərək Azərbaycanın Turizm Bürosunun İdarə Heyətinin sədr müavini Bəhruz Əsgərovla fikir mübadiləsi aparıb və sərgi iştirakçılarına uğurlar arzulayıb.

“ACE of MICE” sərgisində maraqlı tərəflərlə, həmçinin Bakı şəhəri və regionlarda yerləşən orta və irimiqyaslı işgüzar tədbirlər keçirmək imkanına malik turizm infrastrukturları və hotellər, o cümlədən Qarabağın turizm potensialı haqqında məlumatlar bölüşülür.

İstanbul Konqres Mərkəzində “Türk Hava Yolları” tərəfindən təşkil olunan sərgi mayın 27-dək davam edəcək.

İşgüzar turizm imkanlarının tanıdılmasında əsas məqsəd beynəlxalq konqres, konfrans, forum və biznes görüşləri kimi işgüzar tədbirləri ölkəmizə cəlb etməklə, işgüzar məqsədlərlə səfər edənlərin sayının artırılmasına nail olmaqdır.

Qeyd edək ki, Azərbaycan Turizm Bürosu tərəfindən bu sahənin təbliğatı və Azərbaycana böyükmiqyaslı tədbirlərin cəlb olunması məqsədilə müxtəlif dövlət qurumları və özəl sektorla əməkdaşlıq edilir.

Sayca 9-cu olan “ACE of MICE” beynəlxalq turizm sərgisi dünyanın üçüncü ən böyük konqres, toplantı və tədbir sərgisi hesab olunur.

Paylaş:
90

Son xəbərlər

Azərbaycanda 11 uşaq bağçasının müdiri ciddi nöqsanlara görə işdən çıxarılıbBu gün, 11:10“Tarqovı”da ilan peyda olub - VİDEOBu gün, 10:52Bakıda Xəzər dənizinin səviyyə tərəddüdləri ilə bağlı beynəlxalq konfrans keçirilirBu gün, 10:37Azərbaycandan Ukraynaya növbəti humanitar yardım göndərilib - FOTOBu gün, 10:34“Son zəng”dən əvvəl yoxa çıxdı, 22 gün sonra meyiti tapıldıBu gün, 10:09Manatın xarici valyutalara qarşı rəsmi məzənnəsiBu gün, 09:53Pensiyaların yardımla birlikdə ödəniləcəyi tarix açıqlandıBu gün, 09:46“Location” gecə klubundakı partlayışla bağlı istintaq başa çatıbBu gün, 09:35Sumqayıtda qadına təpik vuran avtobus sürücüsü işinə qaytarıldı - VİDEOBu gün, 09:28Ağsuda sərxoş şəxs yanğın törədib - FOTOBu gün, 09:25Bakıda bu yollarda sıxlıq var - SİYAHIBu gün, 09:20İran Prezidenti Ceyhun Bayramovu qəbul edibBu gün, 09:17Azərbaycan ÜST-dən meymunçiçəyi test dəstlərini təhvil alıbBu gün, 09:12Dondurma alarkən nələrə diqqət etmiyik?Bu gün, 08:23Dolların sabaha olan rəsmi məzənnəsi açıqlanıb04 / 07 / 2022, 17:56İsveç və Finlandiya ilə imzalanan memorandum Türkiyəyə nə qazandıracaq?04 / 07 / 2022, 17:49Prezident: “Sülh müqaviləsinin hazırlanması prosesinə ABŞ-ın töhfə verə biləcəyi qənaətindəyik”04 / 07 / 2022, 17:43AZAL gələn həftədən Bakı-Daşkənd-Bakı istiqaməti üzrə uçuşların sayını artırır04 / 07 / 2022, 17:42Prokuror Bakıda qətl törətməkdə təqsirləndirilən şəxsə 19 il cəza istədi04 / 07 / 2022, 17:40“Nar” BMT-nin dayanıqlı inkişaf məqsədlərini dəstəkləyən Qlobal Sazişinə qoşuldu04 / 07 / 2022, 17:35
Bütün xəbərlər

Next TV