Bakıda motosiklet yük maşını ilə toqquşub, ölən var

Bakıda ağır yol-nəqliyyat hadisəsi baş verib.

1news.az xəbər verir ki, iyunun 14-də Qaradağ rayonunun Sahil qəsəbəsində, Hacı Zeynalabdin Tağıyev küçəsində motosiklet və “Shacman” markalı yük avtomobili toqquşub. Hadisə nəticəsində motosikletin sürücüsü 1983-cü il təvəllüdlü Ramin Eyvazov ölüb.

Fakt Daxili İşlər Nazirliyinin Baş Dövlət Yol Polisi İdarəsi tərəfindən təsdiqlənib.

1news.az