Azərbaycanın amfibiya təyyarəsi Muğlada yanğınla mübarizəyə başlayıb - FOTO - VİDEO

Azərbaycanın amfibiya təyyarəsi Türkiyədə yanğınla mübarizəyə başlayıb.

Fövqəladə Hallar Nazirliyindən 1news.az-a verilən məlumata görə, Prezident İlham Əliyevin tapşırığına uyğun olaraq, Türkiyədəki meşə yanğınlarının daha geniş miqyas almasına imkan verilməməsi və söndürülməsinə köməklik məqsədilə Azərbaycan Fövqəladə Hallar Nazirliyinə məxsus “BE-200ÇS” amfibiya tipli təyyarə qardaş ölkəyə göndərilib.

"Bu gün səhər saatlarından etibarən təyyarə Türkiyənin Muğla bölgəsində yanğınlarla mübarizə tədbirlərinə başlayıb", - məlumatda deyilir.