Balakəndə 19 hektarda yeni meyvə bağları salınıb
Balakən rayonunun meyvə bağlarında məhsul yığımı davam edir. İndiyədək bağlardan 2521 ton məhsul tədarük olunub. Bu, ötən ilin müvafiq dövrü ilə müqayisədə 194 ton çoxdur. Yığılan meyvələr arasında alma, armud, ərik, albalı, şaftalı, alça, gilas və giləmeyvələr üstünlük təşkil edir. Fındıq yığımına isə avqustda başlanılacaq.
1news.az-ın AZƏRTAC-a istinadən verdiyi xəbərə görə, bu barədə Balakən Rayon Statistika İdarəsindən məlumat verilib.
Bildirilib ki, hazırda rayonda meyvə bağlarının ümumi sahəsi 13 min 237 hektardır. Bu bağların 10 min 544,1 hektarını fındıq bağları təşkil edir. Cari ilin ötən dövründə rayon ərazisində 19 hektarda yeni meyvə bağları salınıb. Yeni salınan bağların 18 hektarına şaftalı, 1 hektarına isə gavalı ağacları əkilib.
1news.az