Sumqayıt sakini bıçaqlanaraq öldürülüb

Sumqayıtda qətl hadisəsinin üstü açılıb.

Sumqayıt Şəhər Polis İdarəsindən 1news.az-a bildirilib ki, idarənin 4-cü polis bölməsinə iyulun 10-da saat 14 radələrində şəhər sakini İsrayıl Quliyevin ölməsi barədə məlumat daxil olub. Şəhərin polis və prokurorluq orqanlarının əməkdaşları tərəfindən müvafiq tədbirlər həyata keçirilib.

Araşdırmalar nəticəsində Sumqayıt sakini, əvvəllər məhkum olunmuş E. Pirqurbanın münaqişə zəminində İ. Quliyevi bıçaqla öldürməsinə dair əsaslı şübhələr müəyyən edilib.

Polis əməkdaşlarının keçirdikləri əməliyyat-axtarış tədbirləri nəticəsində E. Pirqurban şübhəli şəxs qismində tutularaq istintaqa təhvil verilib.

Faktla bağlı cinayət işi başlanılıb.