DİM: “Bu il qəbul imtahanlarında 2077 nəfər 600 və daha yuxarı bal toplayıb” | 1news.az | Xəbərlər
Cəmiyyət

DİM: “Bu il qəbul imtahanlarında 2077 nəfər 600 və daha yuxarı bal toplayıb”

16:26 - 03 / 10 / 2022
DİM: “Bu il qəbul imtahanlarında 2077 nəfər 600 və daha yuxarı bal toplayıb”

Dövlət İmtahan Mərkəzi Prezident İlham Əliyevin 2022-ci il oktyabrın 3-də 2022/2023-cü tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında Sərəncamı ilə təqaüdə layiq görülən tələbələrlə bağlı məlumat yayıb.

Dövlət İmtahan Mərkəzindən 1news.az-a verilən xəbərə görə, bu il ali təhsil müəssisələrinə qəbul imtahanlarında iştirak edən abituriyentlərdən 2077 nəfər 600 və daha yuxarı bal toplayıb. Onlardan 237 nəfər məcburi köçkün rayonlarına aid məktəblərin məzunlarıdır:

"Sevindirici haldır ki, ümumilikdə ali təhsil müəssisələrinə qəbul olan məcburi köçkünlərin sayı daimi artım tempinə malik olub. Son 20 ilin göstəricilərinə baxsaq 2001-ci ildə ali məktəblərə qəbul olunan məcburi köçkünlərin sayı 856 nəfər idisə, 2011-ci ildə bu göstərici 2512, bu il isə 6098 nəfərə çatıb.

Yüksək bal toplayan abituriyentlər demək olar ki, respublikanın bütün şəhər və rayonlarını, o cümlədən kənd məktəblərini təmsil edir. Yüksək bal toplayan abituriyentlərin sırasında regionlarda fəaliyyət göstərən ümumtəhsil müəssisələrinin məzunlarının sayı bu il 1081 nəfər olmuşdur.

Yüksək nəticə göstərənlər I ixtisas qrupu üzrə (texniki və təbiət elmləri üzrə ixtisaslar) 1081 nəfər, II ixtisas qrupu üzrə (iqtisadiyyat və idarəetmə üzrə ixtisaslar) 142 nəfər, III ixtisas qrupu üzrə (humanitar və sosial ixtisaslar) 344 nəfər, IV ixtisas qrupu üzrə (səhiyyə, rifah və xidmət ixtisasları) 510 nəfər olmuşdur.

Qeyd edək ki, hələ 2001-ci il sentyabrın 3-də ulu öndər Heydər Əliyev təhsil sahəsində yüksək nəticələr əldə etmiş tələbələrə dövlət qayğısını gücləndirmək məqsədilə “Azərbaycan Respublikasının ali məktəb tələbələri üçün Prezident təqaüdünün təsis edilməsi haqqında” Fərman vermişdi. Həmin Fərmana uyğun olaraq, o vaxtdan hər il ölkəmizin ali məktəblərinə qəbul imtahanlarında ən yüksək nəticə göstərmiş gənclərimiz Prezident təqaüdünə layiq görülür. Fərəhli haldır ki, Prezident İlham Əliyevin 2004-cü ildə verdiyi Sərəncamla Prezident təqaüdçülərinin sayı və onlara verilən təqaüdlərin məbləği daha da artırılmışdı. Təqaüdün məbləği sonradan bir neçə dəfə də artırılıb.

Azərbaycan gəncliyinin intellektual elitasına göstərilən bu diqqət maddi stimuldan çox güclü mənəvi dəstək, ruhlandırıcı amil rolunu oynayır, təhsildə sağlam yarış mühitinin yaranmasına təsir göstərir.

Bu il Azərbaycan Respublikasının ali məktəblərinə daxil olmuş 102 tələbəyə Prezident təqaüdünün verilməsi haqqında Azərbaycan Respublikası Prezidentinin Sərəncamına əsasən Prezident təqaüdünə layiq görülən şəxslər respublikanın 25 müxtəlif şəhər və rayonlarını təmsil edirlər. Təqaüdçülər arasında 54 nəfər regionlarda fəaliyyət göstərən məktəblərdən (o cümlədən 18 nəfər kənd məktəblərinin məzunları), 6 nəfər məcburi köçkün məktəblərindən, 4 nəfər bir valideyni olmayan ailədən, eləcə də müəllim, hərbçi, əczaçı, sürücü, mühəndis, satıcı, fəhlə, bərbər, təqaüdçü, çilingər, bağban, usta və s. ailələrindən olan məzunlar var. Siyahıda olan 23 nəfərin valideynlərindən ən az biri müəllimlik fəaliyyəti ilə məşğul olur".

Bildirilib ki, təqaüdçülərdən 48 nəfər Bakıda yerləşən məktəblərin məzunlarıdır. Daha sonra Qəbələdə yerləşən məktəblərin məzunlarından 7, Sumqayıt və Naxçıvanda yerləşən məktəblərin məzunlarından 6, Abşeron və Gəncədə yerləşən məktəblərin məzunlarından 4 nəfəri bilik öncülləri siyahısında görmək olar.

Xatırladaq ki, Prezident təqaüdçülərindən 31 nəfər Bakı Ali Neft Məktəbinə, 23 nəfər Azərbaycan Tibb Universitetinə, 12 nəfər ADA Universitetinə, 10 nəfər Bakı Dövlət Universitetinə, 9 nəfər Azərbaycan Dövlət İqtisad Universitetinə, 7 nəfər Dövlət İdarəçilik Akademiyasına, 4 nəfər xüsusi təyinatlı ali təhsil müəssisəsinə, 2 nəfər Azərbaycan Dövlət Neft və Sənaye Universitetinə, 2 nəfər Naxçıvan Dövlət Universitetinə, 1 nəfər Birgə Azərbaycan-Fransız Universitetinə (UFAZ), 1 nəfər Bakı Mühəndislik Universitetinə qəbul olunub.

1news.az

Paylaş:
140

Son xəbərlər

Siqaretin sağlamlığa mənfi təsiri - “Çıxışa doğru”da MÜZAKİRƏBu gün, 00:07“Huawei” İKT Akademiyası rəqəmsal ekosistemləri zənginləşdirmək üçün Azərbaycanın ən yaxşı təhsil müəssisələri ilə əməkdaşlığa başlayıb - FOTO30 / 11 / 2022, 19:00Yeni dünyaya gələn şəhid övladının adına 5 min manatlıq depozit hesabı yaradılır - FOTO30 / 11 / 2022, 17:55DİM Elm və Təhsil Nazirliyində işə qəbul üzrə müsahibələri ləğv edib30 / 11 / 2022, 17:48AMB dekabrın 1-nə olan USD/AZN rəsmi məzənnəsini açıqlayıb30 / 11 / 2022, 17:38Ukraynanın İspaniyadakı səfirliyində partlayış oldu30 / 11 / 2022, 17:30Rəqəmsal xidmətlərin genişləndirilməsi məqsədilə normativ hüquqi aktlar təkmilləşdiriləcək30 / 11 / 2022, 17:29Goranboyda zəlzələ baş verib30 / 11 / 2022, 17:16Azərbaycan Ordusunun mövqeləri atəşə tutulub30 / 11 / 2022, 17:08İlham Əliyev və Mehriban Əliyeva Musa Rüstəmovun vəfatı ilə bağlı nekroloq imzalayıblar30 / 11 / 2022, 16:55Bir qrup şəxs Prezidentin fəxri diplomu ilə təltif edilib30 / 11 / 2022, 16:49TƏBİB-in İcraçı direktoruna müavinlər təyin edilib - FOTO30 / 11 / 2022, 16:48Azərbaycan və Özbəkistan HHQ arasında əməkdaşlığın genişləndirilməsi məsələləri müzakirə edilib30 / 11 / 2022, 16:42Bir qrup jurnalistə “Əməkdar jurnalist” fəxri adı verilib30 / 11 / 2022, 16:41“Odda-İki bacı” filminin nümayişi baş tutmayacaq - Səfirlik açıqlama yaydı30 / 11 / 2022, 16:39Cəlilabadda yol tikintisinə 17,2 milyon manat ayrıldı - Prezidentdən SƏRƏNCAM30 / 11 / 2022, 16:38Mobil cihazın qeydiyyatından yayınanlar 12 min manat cərimə ediləcək30 / 11 / 2022, 16:24BŞH velosiped zolağının inşası ilə bağlı açıqlama verib30 / 11 / 2022, 16:20Maliyyə piramidası yaradaraq vətəndaşların pulunu ələ keçirən şəxslərə hökm oxunub - VİDEO30 / 11 / 2022, 16:02Ətraf mühitin və su hövzələrinin qorunmasına dair layihəyə yekun vurulub30 / 11 / 2022, 15:59
Bütün xəbərlər

Next TV