Kamaləddin Qafarov: “2023-cü ildə prioritet istiqamətlər üzrə xərclər xeyli artırılıb” | 1news.az | Xəbərlər
Cəmiyyət

Kamaləddin Qafarov: “2023-cü ildə prioritet istiqamətlər üzrə xərclər xeyli artırılıb”

11:00 - 26 / 11 / 2022
Kamaləddin Qafarov: “2023-cü ildə prioritet istiqamətlər üzrə xərclər xeyli artırılıb”

“Artıq xəbər verildiyi kimi, 2023-cü ilin dövlət büdcəsinin gəlirləri 30,7 milyard manat təşkil edir.

Bu göstərici 2022-ci illə müqayisədə 5,6 faiz, 2021-ci illə müqayisədə isə 12,2 faiz çoxdur. Qeyri-neft gəlirlərinin artımı Dövlət Neft Fondundan dövlət büdcəsinə transfertin azalmasına imkan yaradır. 2023-cü ildə transfert 11,3 milyard manat nəzərdə tutulur ki, bu da 2022-ci illə müqayisədə 237,5 milyon manat azdır”. Bu sözləri mətbuata verdiyi açıqlamada Milli Məclisin deputatı Kamaləddin Qafarov deyib.

Millət vəkili bildirib ki, əmtəə bazarlarında neft qiymətlərinin dəyişkənliyi nəzərə alınmaqla, daha ehtiyatlı yanaşma əsasında növbəti ilin dövlət büdcəsi hazırlanarkən neftin qiyməti bir barel üçün 50 ABŞ dollarına bərabər götürülmüşdür. 2023-cü il üçün dövlət büdcəsinin gəlirləri kimi, xərcləri də ölkə tarixində ən yüksək göstəricilərlə ifadə olunub. Layihədə dövlət büdcəsinin xərcləri 33,3 milyard manat proqnozlaşdırılır ki, bu da cari illə müqayisədə 1,0 milyard manat çoxdur.”

Deputat qeyd edib ki, Azərbaycanın işğaldan azad edilmiş ərazilərdə apardığı bərpa və yenidənqurma işlərinə büdcə ayırmalarının artımı da layihədə öz əksini tapıb:

"Təbii ki, ölkənin müdafiə qabiliyyətinin gücləndirilməsi və milli təhlükəsizliyinin təmin edilməsi dövlət büdcəsinin əsas prioritet xərci olaraq qalmaqdadır. Bununla belə, işğaldan azad edilmiş ərazilərin bərpası və “Böyük qayıdış” planının təmin etdirilməsi də 2023-cü ilin dövlət büdcəsinin layihəsində əsas istiqamətlər kimi müəyyən edilib. Bu istiqamətdə də növbəti ildə dövlət büdcəsindən vəsait ayrılmasında artım vardır. Belə ki, gələn il üçün işğaldan azad edilmiş ərazilərin bərpasına 3 milyard manat vəsait nəzərdə tutulur ki, bu da cari illə müqayisədə 12,4 faiz çoxdur. Həmçinin bu məqamı da qeyd etmək lazımdır ki, 2023-cü ilin dövlət büdcəsi, əvvəlki illərdə olduğu kimi, yenə də sosial yönümlü olaraq proqnozlaşdırılır. Bu məqsədlərə büdcədə 15,2 milyard manat vəsait nəzərdə tutulur ki, bu da 2022-ci illə müqayisədə 1,3 milyard manat çoxdur. Eynilə layihədə ehtiyac meyarının həddi də 23 faiz artaraq 246 manat miqdarında nəzərdə tutulur. Bununla da gələn il ölkə üzrə yaşayış minimumu və ehtiyac meyarının hədləri bərabərləşmiş olacaqdır.

K. Qafarov deyib ki, gələn il dövlət sifarişilə ali təhsil alanların, həmçinin təqaüd yerlərinin sayının artırılması və əhalinin aztəminatlı təbəqəsinin ali təhsilə əlçatanlığının daha da artırılması və ali təhsilin əhatə dairəsinin genişləndirilməsi məqsədilə daha çox tələbə kreditinin verilməsi, habelə təhsil müəssisələrində informasiya-kommunikasiya texnologiyalarının tətbiqi üzrə artan tələbatın qarşılanması təhsil xərclərinin artımında əsas istiqamətlərdəndir. “Ölkənin ərzaq təhlükəsizliyinin etibarlı və dayanıqlı təminatı üçün büdcə resurslarının artırılması, aqrar sektorun stimullaşdırılması, kənd təsərrüfatının aparıcı sahələrinin inkişaf etdirilməsi üçün 2023-cü ilin dövlət büdcəsində 1,2 milyard manat məbləğində vəsait nəzərdə tutulmuşdur ki, bu da 2022-ci illə müqayisədə 20,5 faiz çoxdur”.

1news.az

Paylaş:
166

Son xəbərlər

Azərbaycan Kinematoqrafiyası - “Çıxışa doğru”da MÜZAKİRƏBu gün, 00:07Şəmkirdə 4 nəfər dəm qazından zəhərləndi, üçü azyaşlıdır26 / 01 / 2023, 18:05“Kurtlar Vadisi”nin daha bir aktyoru vəfat etdi - FOTO26 / 01 / 2023, 17:46Rusiya XİN: Aİ-nin Ermənistandakı müşahidəçiləri regiona geosiyasi qarşıdurma gətirə bilər26 / 01 / 2023, 17:27“Qərbi azərbaycanlılar erməni xalqı ilə barışığa hazırdır”26 / 01 / 2023, 17:08Peyvənd olunanların sayı açıqlanıb26 / 01 / 2023, 16:42Son sutkada 43 yeni yoluxma faktı qeydə alınıb26 / 01 / 2023, 16:40Azərbaycan Respublikası Kinematoqrafçılar İttifaqından istefalarla bağlı AÇIQLAMA26 / 01 / 2023, 16:39TƏBİB-in rəhbər işçiləri və əməkdaşları qripə qarşı peyvənd olunublar26 / 01 / 2023, 16:23İrandan idxal olunan 71 tondan çox kartof məhv edilib26 / 01 / 2023, 16:05İlham Əliyev bu Qanunu təsdiqlədi26 / 01 / 2023, 15:45Goranboyda kişi qadını qətlə yetirdi26 / 01 / 2023, 15:35Ova cəhd edən Balakən sakinləri cəzalandırılıb26 / 01 / 2023, 15:16Azərbaycan-Çexiya diplomatik münasibətlərinin ildönümü münasibətilə tədbir keçirilib26 / 01 / 2023, 14:57Milli Aviasiya Akademiyasının bir qrup əməkdaşı təltif edilib - SİYAHI26 / 01 / 2023, 14:42Azərbaycanın baş nazirinin müavini Türkiyədə səfərdədir - FOTO26 / 01 / 2023, 14:14Prezident Əli Əhmədovu “Şərəf” ordeni ilə təltif edib26 / 01 / 2023, 14:09Azad edilmiş ərazilər üzrə idxalı gömrük rüsumlarından azad edilən iqtisadi fəaliyyət sahələrinin siyahısı hazırlanacaq26 / 01 / 2023, 14:06“Cinsi tərbiyə təkcə uşaqlara necə yarandıqlarını başa salmaq deyil...” - Psixoloq və Sosioloqdan ŞƏRH26 / 01 / 2023, 14:00Əmanət faizlərinin vergidən azad olunması ilə bağlı güzəştin müddəti artırıla bilər? – AÇIQLAMA26 / 01 / 2023, 13:40
Bütün xəbərlər

Next TV