450 manata aldığı “Qaz 24”ü yeni tərzdə bərpa etdi – “Bunun qiyməti yoxdu” - FOTO - VİDEO
Hər insanın bir reallaşdırmaq istədiyi arzusu olur.
Hamı bacardığı qədər bu arzuların reallaşdırılması üçün addımlar atır.
1news.az-ın müsahibi Namiq Rəhimov da belə adamlardandır. Uşaqlıqdan amerikan filmlərinə baxan müsahibimizin arzusu həmin fimlərdə olan “low rider” tərzində retro avtomobilə sahib olmaq olub.
Namiq Rəhimov 2011-ci ildə bu istəyini reallaşdırmaq istiqamətində ilk addımı atıb. Belə ki, o, bu istəyini reallaşdırmaq üçün Sovet Sosialist Respublikasının istehsalı olan Volqa markasının “Qaz 24” modelinə üz tutub.
Namiq Rəhimov və dostları Sovet dövründə bir zamanlar dövlət başçılarının, vəzifəli şəxslərin xidməti maşını olan, daha sonralar isə yük daşımaq üçün istifadə edilən Volqa markasının “Qaz 24” modelinə yeni nəfəs veriblər.
O, 450 manata Volqa “Qaz 24” alaraq onu yığmağa başlayır. Kombi ustası olan müsahibimiz maşının üzərində özü və dostları ilə işləyir. Aylıq qazanclarından bacardığı qədər kənara atıb, maşını yığmağa başlayır. Hər gün işdən çıxandan maşının bərpasına vaxt sərf edərək, 2 il ərzində Qaz 24-ü “low rider” tərzində yığmağa nail olur.
O, bildirib ki, həmin maşını 450 manata alıb.
“Maşın üzərimə 25 manata başa gəlib. Problemlərim səbəbindən həmin avtomobili bir müddət əvvəl dostuma satdım. Bir müddət sonra yeni bir “Qaz 24”i alaraq, onu yeni layihəyə başlamışam. Bu avtomobilin alışı isə mənim üzərimə 7 min manata başa gəlib. Avtomobil tam sökülərək yüksək keyfiyyətli boya ilə boyanıb, hazırda üzərində işlər davam edir. 2023-cü il may ayının 23-nə qədər bu maşın da hazır olacaq”.
Daha ətraflı videoreportajda:
FOTO-VİDEO: Nadir İbrahimli
