Biləsuvarda yük və minik maşınları toqquşub, 5 nəfər xəsarət alıb

Biləsuvar rayonunda avtomobillər toqquşub, 5 nəfər xəsarət alıb.

1news.az APA-ya istinadla xəbər verir ki, hadisə köhnə Ələt-Astara avtomobil yolunun rayon ərazisindən keçən hissəsində qeydə alınıb.

Belə ki, hərəkətdə olan TIR-la "VAZ-2107" markalı minik avtomobili toqquşub.

İlkin məlumata görə, qəza nəticəsində 5 nəfər xəsarət alıb.

Xəsarət alanlar rayon xəstəxanasına çatdırılıb.

Faktla bağlı araşdırma aparılır.