Tanınmış ifaçı Təranə Səmədovanın övladlarını himayəsinə götürüb | 1news.az | Xəbərlər
Mədəniyyət

Tanınmış ifaçı Təranə Səmədovanın övladlarını himayəsinə götürüb

13:29 - 11 / 04 / 2023
Tanınmış ifaçı Təranə Səmədovanın övladlarını himayəsinə götürüb

Müğənni Rəqsanə İsmayılova illərdir qalmaqal yaşadığı, həbs olunan prodüser Təranə Səmədovanın övladlarını himayəsinə götürüb.

1news.az Yenisabah.az-a istinadən xəbər verir ki, müğənni valideynlərdən etibarnamə almadan prodüserin qızlarını sığınacaqdan götürərək bağ evinə aparıb.

Məsələ ilə bağlı danışan Azərbaycan Uşaqlar Birliyinin sədri Kəmalə Ağazadə bu faktı təsdiqləyib. O, bildirib ki, uşaqlar hazırda Rəqsanə İsmayılovanın yanındadır:

“Valideyn icazəsi ilə bağlı olan məsələyə aydınlıq gətirim. Valideyn hal-hazırda təcridxanadadır. İkincisi, uşaqlar dövlət qurumlarının iştirakı ilə sığınacağa təhvil verilib və uşağın istəyi ilə bir müddət - rəsmi qəyyum təyin olunanadək Rəqsanə İsmayılovanın yanında qalmasını bildirib. Biz bununla bağlı aidiyyatı qurumlara da məlumat vermişik”.

Onun sözlərinə görə, uşaqlar müğənninin yanında qaldığı müddətcə aidiyyatı orqanlar tərəfindən nəzarətdə saxlanılır və onların vəziyyəti ilə bağlı mütəmadi məlumat alınır:

“Uşaqlar Rəqsanə İsmayılovanın yanında qaldığı müddətdə Sosial Xidmətlər Agentliyi, Xətai Rayon İcra Hakimiyyəti, polis bölməsi hər biri uşaqların vəziyyəti ilə yerində gedib maraqlanıb, mən də getmişəm. Bu ziyarətdə iştirak edib uşaqların vəziyyətini qiymətləndirmişəm.

Ananın icazəsi olmadan dediyiniz məsələyə gəldikdə isə ana bu iki ay boyu gah dedi ki, övladlarım uşaq sığınacağında qalsın, gah dedi Rəqsanəyə etibarnamə verirəm. Bütün səlahiyyətlər qanuni nümayəndə olaraq Xətai Rayon İcra Hakimiyyəti yanındakı komissiyaya aid olduğuna görə, uşaqlar adıçəkilən qurumlar tərəfindən nəzarətdə saxlanılır”.

Xatırladaq ki, Təranə Səmədova Cinayət Məcəlləsinin 182-ci (hədə-qorxu ilə tələb etmə) maddəsi ilə ittiham olunub. O, 2017-ci ildə qadın alveri səbəbilə ittiham olunaraq 2 il müddətinə azadlıqdan məhrum edilib. 2019-cu ildə azadlığa çıxan tanınmış prodüser ötən il də qanunsuz olaraq narkotik maddə gəzdirdiyi üçün saxlanılıb. Məhkəmə T. Səmədovanın hamilə olduğunu nəzərə alaraq, ona həbs cəzası verməmişdi. Prodüser 400 manat məbləğində cərimə olunaraq sərbəst buraxılıb. Qeyd edək ki, 2022-ci ilin dekabrında T.Səmədovanın əri Rasim Həsənov da hədə-qorxu ilə pul tələb etmə ittihamı ilə saxlanılmışdı.

Paylaş:
1398

Son xəbərlər

Dünya bazarlarında neft daha da bahalaşıbBu gün, 12:12Dövlət sərhədini pozmağa cəhd göstərən Əfqanıstan vətəndaşları saxlanılıbBu gün, 11:57Ali təhsil müəssisələrində təhsil alan əlilliyi olan şəxslərin sayı açıqlanıbBu gün, 11:54Nərimanov rayonu ərazisində oğurluq etməkdə şübhəli bilinən iki nəfər saxlanılıbBu gün, 11:44Əmtəə bazarlarında qızıl və gümüş ucuzlaşıbBu gün, 11:42Qobuda azyaşlıya sahibsiz it hücum edərək xəsarət yetiribBu gün, 11:30Azərbaycan Ordusunda hərbi qulluqçuların maarifləndirilməsi üzrə keçirilən tədbirlər davam etdirilirBu gün, 11:24ZEEKR brendi artıq rəsmi olaraq Azərbaycanda!Bu gün, 11:15SN: Genetika piylənmənin əsas faktorlarından biridirBu gün, 11:06Xankəndidə narkotik vasitə və silah-sursat aşkar edilib - FOTOBu gün, 10:54Prezident Bolqarıstan Xalq Məclisinin sədrini qəbul edibBu gün, 10:45“Qida təhlükəsizliyinə risk əsaslı dövlət nəzarətinin aparılması Qaydası” təsdiqlənibBu gün, 10:34Binəqədinın qaz təchizatında fasilə yaranacaqBu gün, 10:31Göyçayda ağır yol qəzası olub, ölənlər və yaralı varBu gün, 10:06“ROG Zephyrus G16 2024”: hər anı güc, üslub və universallıq vəd edən noutbuk – FOTOBu gün, 10:00Nyu-York birjasında təbii qazın qiyməti yenidən artıbBu gün, 09:52Cəbrayıl polisi narkotiklərin qanunsuz dövriyyəsi ilə məşğul olan 2 nəfəri saxlayıb - FOTOBu gün, 09:26AMB valyuta məzənnələrini açıqladıBu gün, 09:23Tovuzda avtomobil piyadanı vuraraq öldürübBu gün, 09:09Ağsuda narkotiklərin qanunsuz dövriyyəsində şübhəli bililən şəxslər saxlanılıblarBu gün, 08:48
Bütün xəbərlər