“Burada oturan insanların hər biri heç olmasa bir saxta diplom almış birini tanıyır”

“20, 25, 30 il əvvəl diplom vermək və işəgötürmə praktikamız səhv olub”.

1news.az xəbər verir ki, bunu elm və təhsil naziri Emin Əmrullayev "Sertifikatlaşdırma: peşəkar müəllim-keyfiyyətli təhsil" adlı tədbirdə respublika üzrə sertifikasiya imtahanında yüksək nəticə göstərən müəllimlərlə görüşündə çıxışı zamanı deyib.

“Bu səhvlərin nəticəsini uzun illərdir yaşayırıq. Burada oturan insanların hər biri heç olmasa bir saxta diplom almış birini tanıyır. Kimsə hansısa formada diplom alıb, hansısa formada işə qəbul olub. Onları işəgötürənlər ola bilsin, indi həyatda yoxdur. Bunu bir nəfər etməyib, hamı edib.

O mənada ki, kimsə qonşuluğunda saxta diplom alanlara ciddi hörmətsizlik etməyib. Sadəcə olaraq bilib ki, o belə edib.

Bu olduqca vacib məsələdir. "Mənim nəyimə lazımdır?" demişik. Amma həmin adam saxta yolla məktəbə düzəlib uşaqlarımıza dərs deyəndə “nəyimə lazımdır” demək uyğun vətəndaş mövqeyi deyil”.