“Azerbaijan Fish Farm” nərə balıqları üçün “ALL Coppens” yemləri ilə yeni dayanıqlı inkişaf mərhələsinə qədəm qoyub - FOTO
Dayanıqlı ekoloji kürü istehsalında aparıcı müəssisə olan "Azerbaijan Fish Farm" (AFF) nərə balığı populyasiyasının sağlamlığı və inkişafı istiqamətində mühüm addım atıb.
Kürünün ekoloji cəhətdən dayanıqlı istehsalı ekoloji dayanıqlılıq və ətraf mühitə mənfi təsirin minimuma endirilməsi prinsiplərinə riayət olunması üsullarına aiddir. Şirkət nərə balıqlarının xüsusi hazırlanmış yemlə təmin edilməsi məqsədilə akvakultura üçün dayanıqlı qida sahəsində aparıcı şirkətlərdən olan "ALL Coppens" ilə tərəfdaşlığa başladığını elan edib.
Yemin nərə balıqlarının böyüməsində və həyat qabiliyyətinin təmin edilməsində oynadığı mühüm rolu nəzərə alan "Azerbaijan Fish Farm" bu əməkdaşlığı daha "yaşıl", daha dayanıqlı gələcəyə doğru mühüm addım kimi qəbul edir. "ALL Coppens" şirkətinin istehsal etdiyi ekoloji təmiz yemlərdən istifadə etməklə AFF zərif su ekosistemini qoruyub saxlamağa və nərə balıqlarının inkişafına töhfə verməyə çalışır.
“ALL Coppens” şirkəti akvakultura üçün yemlərə innovativ və elmi cəhətdən əsaslandırılmış yanaşması ilə məşhurdur. Bu şirkətin istehsal etdiyi yemlərin resepturası akvakulturanın böyüməsi, sağlamlığı və həyat qabiliyyətinin optimallaşdırılması nəzərə alınmaqla hazırlanıb ki, bu da “Azerbaijan Fish Farm” şirkətinin yüksək keyfiyyətli kürünün dayanıqlı istehsalı üzrə missiyasına tam uyğundur.
Fəaliyyətində “ALL Coppens” şirkətinin istehsal etdiyi yemlərdən istifadə etməklə “Azerbaijan Fish Farm” nərə balığı populyasiyasının sağlamlığının ümumi vəziyyətini yaxşılaşdırmağa çalışır ki, bu da yaxın gələcəkdə ən yüksək keyfiyyətli yem istehsalının artmasına töhfə verəcək. Yemlərin dəqiq şəkildə hazırlanmış resepturası nərə balıqlarının böyüməsini və inkişafını dəstəkləməklə yanaşı şirkətin ekoloji izini azaltmağa imkan verir.
Bu strateji tərəfdaşlıq sayəsində “Azerbaijan Fish Farm” etik və dayanıqlı praktikalara sadiqliyini göstərir, kürü sənayesi üçün etalon müəyyənləşdirir. “ALL Coppens” şirkətinin yemlərini seçməklə şirkət mükəmməllik və ekoloji məsuliyyətin birgə addımladığı gələcəyin təmin edilməsi istiqamətində qətiyyətli addım atmış olur.
“Azerbaijan Fish Farm” MMC haqqında
1954-cü ildə Neftçala rayonu ərazisində eksperimental akvakultura fermasının yaradılması ilə regionda nərə balıqlarının yetişdirilməsi sahəsində ilk addımlar atılmışdır. Dünyanın ilk eksperimental akvakultura fermalarından olan bu təsərrüfat 2017-ci ildə AFF tərəfindən özəlləşdirilmişdir. AFF-nin dayanıqlı akvakultura yanaşması ənənəvi və müasir yetişdirmə üsullarını özündə birləşdirir. Bunun nümunəsi kimi qapalı su çevrəsindən (RAS), xüsusi sahələrdə yetişdirmə modelindən və dəniz suyu ilə təchiz edilən müasir hovuzlardan istifadəni göstərmək olar.
RAS sistemi inkubasiya və balıq həyatının erkən mərhələlərində suyun və qidanın optimal keyfiyyətini təmin edərək stressiz artım üçün əlverişli mühit yaradır. AFF-nin iş prinsipinin fərqləndirici xüsusiyyəti həm Kür çayının şirin suyundan, həm də Xəzər dənizinin duzlu suyundan istifadə etməsindədir. Bu unikal kombinasiya nərə balıqlarının təbii yaşayış mühitinə bənzəyir və kürünün yüksək keyfiyyətinin təmin edilməsində mühüm rol oynayır.
AFF həmçinin ekoloji cəhətdən təmiz təcrübələrə və ətraf mühitin mühafizəsi səhəsinə sadiqliyi ilə seçilir. Şirkət satılan hər kürü qabının əvəzində 10 nərə balığının Xəzər dənizinə buraxılmasını təmin etməklə nəsli kəsilməkdə olan endemik nərə balıqlarının populyasiyasının qorunub saxlanmasına töhfə verir. Bu, AFF-nin ekosistemin vəziyyətinin yaxşılaşdırılmasına və brendin öz vədlərinə sadiqliyini nümayiş etdirir.
Hazırda “Azerbaijan Fish Farm” MMC premium keyfiyyətli kürünü ABŞ, BƏƏ, Sinqapur, Honkonq və s. kimi nüfuzlu bazarlara ixrac edir. Dayanıqlılıq səylərinin sübutu kimi BAP sertifikatı ilə təltif edilməsi AFF-nin məsuliyyətli kürü istehsalına sadiqliyini bir daha təsdiqləyir, sənaye presedenti yaradır və Azərbaycanın qlobal akvakultura səhnəsində nüfuzunu artırır.
“ALL Coppens” haqqında: "ALL Coppens" akvakultura üçün dayanıqlı qida sahəsində tanınmış şirkətdir. İnnovasiyalar sahəsində təcrübəsi və ekoloji cəhətdən təmiz praktikalara sadiqliyi ilə "ALL Coppens" su orqanizmlərinin sağlamlığını və məhsuldarlığını optimallaşdıran yem həlləri təqdim edir.Top of Form
“ALL Coppens” akvakultura və balıqçılıq dünyasında, xüsusilə də balıq yemi sahəsində tanınmış şirkətdir. Niderland-ABŞ şirkəti olan “Coppens” 20 ildən artıqdır ki, yüksək keyfiyyətli balıq yeminin yaradılması və istehsalı sahəsində ön pillələrdən birini tutur. Şirkətin innovasiyalara, ekoloji dayanıqlılığa və mükəmməlliyə sadiqliyi onu bütün dünyada balıqçılıq təsərrüfatlarının etibarlı tərəfdaşına çevirib.
Əsası 1991-ci ildə Ed Koppens tərəfindən qoyulmuş “Coppens” şirkəti qısa müddət ərzində yüksək keyfiyyətli balıq yemi istehsalçısı kimi nüfuz qazanıb. Şirkətin tarixi Niderlandın Helmond şəhərində yerləşən kiçik bir müəssisədən başlasa da, keyfiyyətli balıq yeminə artan tələbi təmin etmək üçün fəaliyyətini genişləndirib. Hazırda “Coppens” heyvan qidası və sağlamlığı üzrə həllər sahəsində dünya lideri olan “Alltech” şirkətlər qrupunun tərkibinə daxildir.
“Coppens” keyfiyyətə nəzarətə və onun təmin edilməsinə xüsusi diqqət ayırır. Şirkətin istehsal müəssisələrində keyfiyyət standartlarına ciddi riayət olunur, bu isə hər bir yem partiyasının yüksək keyfiyyət və təhlükəsizlik tələblərinə cavab verməsini təmin edir.
