Deputat: “Azərbaycanda onkoloji xəstəliklər üçün ayrılan məbləğ dünya ilə müqayisədə 10 dəfə azdır”

“Ölkəmizin beynəlxalq nüfuzuna xələl gətirən bir neçə məsələ var, bu nadir xəstəliklər məsələsidir”.

1news.az xəbər verir ki, bunu Milli Məclisin Səhiyyə komitəsinin sədr müavini Rəşad Mahmudov parlamentdə “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsində deyib.

“Hanısı ki, bu genetik xəstəliklərindən hər bir ölkədə 10 milyonun içərisində 40-50 nəfər olur. Təəssüflər olsun ki, bunlar əvvəl dövlət proqramına salınmayıb. 3-5 xəstəlik var ki, onların dövlət hesabına müalicəsi problemi öz həllini gözləyir. Sizin də dəstəyinizlə, əvvəlki illərdə koklear implantasiya və anadan gəlmə ürək qüsurları xəstəliklərinin hər birinə görə 1 milyon manat ayrıldı. Ancaq bu gün ürək qüsurları ilə bağlı məsələ İcbari Tibbi Sığorta Zərfinə əlavə olunub. Ona görə də ürək qüsurlarına görə ayrılan məbləği başqa nadir xəstəliklər üçün ayırmaq lazımdır”.

Deputat deyib ki, Azərbaycanda onkoloji xəstəliklər üzrə dövlət büdcəsindən ayrılan vəsait dünyanın bir çox ölkəsi müqayisədə 10 dəfə azdır.

“Ehtiyac olan məbləğ 500 milyon manatın üzərində olmalıdır”.