İnsanları mütaliəyə həvəsləndirən kitab sərgisindən VİDEOREPORTAJ

Noyabrın 11-də Bakı Ekspo Mərkəzində rəsmi açılış mərasimi baş tutan 9-cu Bakı Beynəlxalq Kitab Sərgisi (Baku International Book Fair 2023) ziyarətçilərini qarşılamağa davam edir.

1news.az-ın əməkdaşları Bakı Ekspo Mərkəzində olub və ziyarətçilərin sərgi ilə bağlı fikirlərini öyrənib.

Qeyd edək ki, sərgidə Azərbaycanın xalq yazıçıları və şairləri, tanınmış gənc yazarlar və məşhur xarici yazıçılar və aktyorlar iştirak edirlər.

Sərgi çərçivəsində uşaqlar və böyüklər üçün master klaslar, inklüzivlik və digər aktual mövzular üzrə kitab təqdimatları, imza günləri, konfranslar, simpoziumlar, qiraət və musiqi saatları və kitab sənayesi sektorunun subyektləri arasında əməkdaşlıq platformaları təşkil ediləcək.

Sərgiyə giriş pulsuzdur və ziyarətçilərin “Elmlər akademiyası”, “28 may” və “Koroğlu” metrostansiyalarından Bakı Ekspo Mərkəzinə xüsusi avtobuslar vasitəsilə ödənişsiz gediş-gəlişi təmin edilir.

Sərginin iş vaxtı isə 10:00-dan 20:00-dəkdir.

Xatırladaq ki, sərgi 15 noyabradək davam edəcək.

Ətraflı 1news.az-ın videoreportajında:

FOTO - VİDEO: Nadir İbrahimli