Nazim Mahmudov Türk Dünyasının II Meteorologiya Forumunda təkliflər verib

"Hazırda iqlim dəyişmələrinin nəticələri kimi bölgədə təbii fəlakətlər, kəskin hava şəraitləri barədə mümkün qabaqlayıcı məlumatların bölüşülməsi, türk dövlətlərini də əhatə edə biləcək Qərbi Asiya üçün SDS-WAS Regional Node sisteminin yaradılması və ümumən regional əməkdaşlığın inkişaf etdirilməsi böyük əhəmiyyət kəsb edir".

1news.az xəbər verir ki bu sözləri Azərbaycan Respublikası Ekologiya və Təbii Sərvətlər Nazirliyi yanında Milli Hidrometeorologiya Xidmətin rəisi Nazim Mahmudov Türk Dünyasının II Meteorologiya Forumunda deyib.

"Məlumat mübadiləsi və iqlim dəyişmələri ilə mübarizə üzrə Türk dövlərləri arasında əməkdaşlığın inkişaf etdirilməsi istiqamətində
- Meteoroloji məlumat, həmçinin bilik və təcrübə mübadiləsinin həyata keçirilməsi məqsədilə türk dövlətlərinin meteorologiya xidmətlərinin birgə istifadəsi məqsədilə internet saytının yaradılmasını;
- Dövlətlərimizin meteorologiya xidmətlərinin əməkdaşlığının hüquqi cəhətdən nizamlanması məqsədilə hidrometeorologiya sahəsində əməkdaşlığa dair Saziş layihəsinin hazırlanmasını;
- Paris Sazişinin 13-cü maddəsinin tələblərinə uyğun olaraq ölkələrimizdə Təkmilləşdirilmiş Şəffaflıq Formatına uyğun Monitorinq, Hesabatlılıq və Yoxlama (ÖHY- MRV) sisteminin qurulması üzrə təcrübə mübadiləsinin təşkil edilməsini;
- İstilik Effekti Yaradan Qazların (İEYQ) inventarlaşdırılması, mitiqasiya və adaptasiya tədbirlərinin modelləşdirilməsi üzrə birgə təlimlərin keçirilməsi, müsbət təcrübənin bölüşülməsi məqsədilə elmi-texniki məlumatların, müvafiq təhsil proqramlarının təkmilləşdirilməsi, habelə birgə konfrans və simpoziumların təşkil edilməsini;
- İqlim dəyişmələri üzrə mübarizəyə həsr edilmiş beynəlxalq platformlarda, o cümlədən UNFCCC və Ümumdünya Meteorologiya Təşkilatı forumlarında önəmli məsələlərin müzakirəsi zamanı razılaşdırılmış bir mövqedən çıxışların edilməsini təklif edirəm".