Nazir: “Peyk məlumat mübadiləsi sistemi ilə informasiya mübadiləsi aparılır”
“Hidrometeoroloji xidmətin müasir standartlar səviyyəsinə çatdırılması üçün beynəlxalq əməkdaşlıq əlaqələrinin genişləndirilməsi xüsusi diqqət yetirilir”.
1news.az xəbər verir ki, bu sözləri Azərbaycan Respublikası Ekologiya və təbii sərvətlər naziri Muxtar Babayev Türk Dünyasının II Meteorologiya Forumunda çıxışı zamanı deyib.
"Azərbaycanda proqnozların keyfiyyətinin artırılması məqsədi ilə 20 ildən artıqdır ki, «TURKMETCAP» proqramı tətbiq edilir. Peyk məlumat mübadiləsi sistemi ilə informasiya mübadiləsi aparılır.
“MDB-nin hidrometeorologiya üzrə dövlətlərarası şurası” və “Xəzər dənizinin hidrometeorologiyası” üzrə Xəzəryanı ölkələrin Koordinasiya Komitəsi çərçivəsində Qazaxıstan Respublikası və Türkmənistanla əməkdaşlıq davam etdirilir.
Belə ki, 2021-ci ildə “Azərbaycan Respublikası Hökuməti və Türkiyə Respublikası Hökuməti arasında meteorologiya sahəsində əməkdaşlığa dair Anlaşma Memorandumu”nun tətbiqinə dair İkiillik İş Proqramı imzalanmışdır.
İş proqramı çərçivəsində hər iki tərəfin aidiyyəti qurumları arasında təşkil olunan onlayn iclaslar çərçivəsində iqlim dəyişmələri, meteorologiya, iqlim xidmətlərində Keyfiyyət İdarəetmə Sistemi sahəsində birgə fəaliyyət göstərilməsi üzrə təcrübə mübadilələri aparılmışdır.
