Xaçmazda yanğın baş verib

Xaçmaz rayonunun Yalama qəsəbəsində yerləşən “Yalama Aqropark”da yanğın başlayıb.

1news.az xəbər verir ki, hadisə yerinə Xaçmaz və Qusar rayonlarından yanğınsöndürən briqadaları cəlb olunub.

Belə ki, Yalama qəsəbəsində yerləşən “Yalama Aqropark”da baş verən yanğın bir neçə saatdır davam edir.

Qeyd edək ki, “Yalama Aqropark” ölkə üzrə ən iri heyvandarlıq təsərrüfatlarından biridir.