Agentlik direktoru: “Kamera quraşdırılacaq məktəblərin sayı artırılacaq”

"Məktəblinin dostu" layihəsi çərçivəsində 200-ə yaxın məktəbdə müşahidə kameraları quraşdırılıb” .

1news.az xəbər verir ki, bu barədə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov "Effektiv kommunikasiya" mövzusunda keçirilən seminarda məlumat verib.

“Dövlət Agentliyinin tabeliyində 6000-ə yaxın təhsil müəssisəsi var. Biz istərdik ki, bütün təhsil müəssisələrində müşahidə kameraları olsun. Resurslar bəzən arzularla üst-üstə düşmür.

E.Bağırov qeyd edib ki, Məktəblinin dostu" layihəsi çərçivəsində Gəncə və Lənkəranda da təhsil müəssisələrində də kameralar quraşdırılacaq.
“Bununla da kamera quraşdırılacaq məktəblərin sayı artırılacaq”.