Naxçıvanda narkotik vasitənin təsiri altında nəqliyyat vasitəsini idarə edən sürücü saxlanılıb
Naxçıvan polisi tərəfindən keçirilən tədbirlər zamanı narkotik vasitənin təsiri altında nəqliyyat vasitəsini idarə edən sürücü saxlanılıb.
1news.az AZƏRTAC-a istinadən xəbər verir ki, Naxçıvan MR Daxili İşlər Nazirliyinin mətbuat xidmətindən bildirilib ki, Naxçıvan şəhəri ərazisində “VAZ-2106” markalı avtomobilin sürücüsü qayda pozuntusuna yol verdiyi üçün polis əməkdaşları tərəfindən ona “saxla” işarəsi verilib.
Həmin nəqliyyat vasitəsini idarə edən Elçin Kərimlinin narkotik vasitə qəbul etməsinə dair şübhələr olduğundan o, tibbi müayinədən keçirilib. Müayinənin nəticəsinə əsasən, həmin şəxsin narkotik vasitə istifadə etdiyi məlum olub.
E.Kərimli barəsində qanunvericiliyə uyğun olaraq protokol tərtib edilib və hüquqi qiymət verilməsi üçün Naxçıvan Şəhər Məhkəməsinə göndərilib.
