Qardaş ölkə üçün tarixi gün - İlk türk astronavt 13 gün elmi araşdırma aparacaq - VİDEO
Qardaş ökə Türkiyə üçün tarixi bir hadisə baş verdi. “Falcon 9” raketi ilə ilk türk astronavtı Alper Gezeravcı artıq kosmosdadır.
1,5 günlük uçuşdan sonra Gezeravcı və 3 komanda yoldaşı Beynəlxalq Kosmik Stansiyasına çatacaqlar Hər şey yaxşı olarsa, “Dragon kapsulu" sabah günorta saatlarında Beynəlxalq Kosmik Stansiyaya yaxınlaşacaq.
Komandanı kosmik stansiyada 7 astronavt qarşılayacaq.
Başlanğıcdan etibarən elmi araşdırmalar başladı.
Kosmik stansiyada 14 gün mikroqravitasiya mühitində qalacaq astronavtlar, kosmosa uçuşun insan sağlamlığına və xəstəliklərə təsirindən tutmuş yeni nəsil ərintilərə qədər bir çox təcrübələr aparacaq.
Gezeravcı proses zamanı kosmosda 13 elmi təcrübə də həyata keçirəcək.
Tədqiqatlar TÜBİTAK Kosmos, Axiom Kosmosu və NASA ilə koordinasiyalı şəkildə aparılacaq.
Gezeravcı biologiya, tibb, materialşünaslıq və genetika kimi sahələrdə təcrübələr həyata keçirəcək.
Alper Gezeravcı zaman-zaman kosmos bazasından dünyaya müraciət edəcək və kosmosdakı təcrübələrini paylaşacaq.
İlk türk astronavtı olan Alper Gezeravcının kosmosdakı ilk sözləri Mustafa Kamal Atatürkün “Gələcək səmalardadır”(İstikbal göklerdedir) olub.
Qeyd edək ki, İlk Türk astronavt Alper Gezeravcı yanvarın 19-u Türkiyə saatı ilə saat 00:49 kosmosa yola salınıb.
“Ax-3” heyətinə türk astronavtla yanaşı, ispaniyalı astronavt Michael Lopez-Alegria, İtaliya Hərbi Hava Qüvvələrinin pilotu Valter Villadei və Avropa Kosmik Agentliyi adından isveçli kosmonavt Markus Vandt daxildir.
