Xalq artisti Rəfiqə Axundova İkinci Fəxri xiyabanda dəfn olunub

Azərbaycanın Xalq artisti, görkəmli balerina və xoreoqraf Rəfiqə Axundova İkinci Fəxri xiyabanda dəfn olunub.

1news.az APA-ya istinadən xəbər verir ki, mərhum sənətçi ilə əvvəlcə Təzə Pir Məscidində vida mərasimi keçirilib.

Mərasimdə Mədəniyyət Nazirliyinin nümayəndələri, mərhumun ailəsi, yaxınları və sənət dostları iştirak edib.

Vida mərasiminin ardınca cənazə İkinci Fəxri xiyabana aparılaraq torpağa tapşırılıb.

Qeyd edək ki, Xalq artisti Rəfiqə Axundova uzun sürən xəstəlikdən sonra bu gecə 93 yaşında vəfat edib.