Qızılcaya görə məktəblərdə hansısa tədbir görüləcək? – Nazir AÇIQLADI

“Qızılcaya görə məktəblərin fəaliyyətini dayandırması və ya onlayn olması məqsədəmüvafiq deyil”.

1news.az xəbər verir ki, bunu elm və təhsil naziri Emin Əmrullayev brifinqdə bildirib.

“Son aylar ərzində yoluxmanı izləyirik, müvafiq dövlət qurumları ilə əməkdaşlıq edirik. Məktəblərdə müvafiq ehtimallar nəzərə alınaraq nəzarət gücləndirilib, pedaqoji kollektivə şagirdlərin səhhətində müşahidə oluna biləcək hər hansı narahatlıq halları ilə bağlı daha diqqətli olmaları tövsiyə edilib. Ümumi təhsil müəssisələrində qızılca xəstəliyinə yoluxma kütləvi xarakter daşımır və məktəblərin bağlanması gündəmdə deyil. Valideynlərə hər zaman məsləhət görülür ki, övladları mövsümi xəstəliklərə və virus infeksiyalarına yoluxduğu halda, tam sağalanadək digər uşaqlarla yaxın təmasda olmasınlar”

Nazir həmçinin valideynlərə peyvəndlə bağlı çağırış edib.

“Övladlarınızın peyvənd olunmasını tövsiyə edirik”