Baş Prokurorluq və DTX-ya göndərilən nəzarət tədbirlərinin sayı məlum olub
Hesablama Palatası göndərdiyi məlumatlar üzrə hüquq mühafizə orqanlarında işlər aparılır.
1news.az APA-ya istinadən xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikası Hesablama Palatasının 2023-cü ildə fəaliyyəti haqqında Hesabat”ın müzakirəsi zamanı Palatanın sədri Vüqar Gülməmmədov deyib.
Palata sədri bildirib ki, 9 nəzarət tədbiri üzrə məlumatlar Baş Prokurorluq və Dövlət Təhlükəsizliyi Xidmətinə (DTX) göndərilib: “4 hal üzrə məlumatlar tikinti sahəsində cinayətlərlə bağlıdır. DTX-dan daxil olan məlumatlara əsasən, 1 audit üzrə daxil olan məlumatlara əsasən, cinayət işi davam etdirilir. Ümumilikdə 67,4 milyon manatın bərpası həyata keçirilib, bunun 700 min manatı hüquq mühafizə orqanları tərəfindən bərpa edilib”.
