Bibiheybət məscidində şəhid ailələri və qazilərin iştirakı ilə bayram tədbiri keçirilib
Ramazan bayramı ilə əlaqədar Bibiheybət məscid-ziyarətgah kompleksində şəhid ailələrinin üzvləri və qazilərin iştirakı ilə bayram tədbiri keçirilib.
1news.az-ın xəbərinə görə, Bibiheybət Məscid-ziyarətgah kompleksi dini icmasının rəhbəri, Qafqaz Müsəlmanları İdarəsi Qazilər Şurasının üzvü hacı Rahib Babayev builki bayramın xüsusi sevinc və təntənə ilə qeyd edildiyini söyləyib.
“Nəhayət ki, uzun illər etdiyimiz dualar qəbul olundu Möhtərəm Prezidentimiz, Müzəffər Ali Baş Komandanımız İlham Əliyevin sərkərdəliyi ilə şanlı ordumuz 44 günlük Vətən müharibəsi və daha sonra lokal antiterror tədbirləri nəticəsində torpaqlarımız işğaldan azad olunaraq ərazi bütövlüyümüz bərpa edildi. Buna görə də biz öz şəhidlərimizə, qazilərimizə, igid əsgər və zabitlərimizə minnətdarıq. Allahdan şəhidlərimizə rəhmət, qazilərimizə can sağlığı arzu edirik. Bu gün şəhidlərimizin ailələri, qazilərimiz ölkə başçımızın və Birinci vitse-prezident Mehriban Əliyevanın diqqət və qayğısı ilə əhatə edilib. Onlara dəstək üçün lazımi tədbirlər görülür. Çünki bu Şanlı Qələbəmizə görə biz ollara borcluyuq”, - o bildirib.
Tədbirdə çıxış edən rəsmilər, şəhid ailələri üzvləri, müharibə vereranları göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya öz minnətdarlıqlarını bildirdilər, Müqəddəs bayram münasibəti ilə hamını təbrik ediblər.
