Müdafiə naziri Quru Qoşunlarının rəhbər heyəti ilə görüşüb | 1news.az | Xəbərlər
Cəmiyyət

Müdafiə naziri Quru Qoşunlarının rəhbər heyəti ilə görüşüb

13:35 - 20 / 04 / 2024
Müdafiə naziri Quru Qoşunlarının rəhbər heyəti ilə görüşüb

Quru Qoşunlarının qərargahında aprelin 20-də müdafiə naziri general-polkovnik Zakir Həsənovun rəhbərliyi ilə xidməti müşavirə keçirilib.

Bu barədə 1news.az-a Müdafiə Nazirliyinin (MN) Mətbuat xidmətindən məlumat verilib.

Bildirilib ki, müşavirədə müdafiə nazirinin müavini – Quru Qoşunların komandanı general-leytenant Hikmət Mirzəyev, Quru Qoşunlarının idarə və xidmət rəisləri, birlik, birləşmə komandirləri iştirak ediblər.

Müdafiə naziri Prezident, Silahlı Qüvvələrin Ali Baş Komandanı İlham Əliyevin Azərbaycan Ordusu qarşısında qoyduğu tapşırıqları müşavirə iştirakçılarına çatdırıb.

Müşavirədə Azərbaycan-Ermənistan şərti sərhədində mövcud əməliyyat şəraiti, hərbi hissələrin döyüş hazırlığı üzrə tədbirlər və hərbi intizamın vəziyyəti təhlil edilib.
Nazir hərbi hissələrin xidməti-döyüş fəaliyyətinin təkmilləşdirilməsi, ayıq-sayıqlığın artırılması, eləcə də döyüş tapşırıqlarının dəqiq və vaxtında icrasına daim hazır olunması barədə müvafiq göstərişlər verib.

Çətin relyefli, yüksək dağlıq ərazilərdə döyüş növbətçiliyi aparan bölmələrin maddi-texniki və mühəndis təminatı, o cümlədən şəxsi heyətin mənəvi-psixoloji hazırlığının yüksəldilməsinə xüsusi diqqət yetirilməsinin vacibliyi çatdırılıb.

General-polkovnik Z.Həsənov Azərbaycan Respublikası ilə Ermənistan Respublikası arasında dövlət sərhədinin delimitasiyası prosesinin effektiv həyata keçirilməsi və təhlükəsizliyin təmin edilməsi məqsədilə digər dövlət qurumları ilə qarşılıqlı əlaqədə zəruri tədbirlərin görülməsi barədə aidiyyəti şəxslər qarşısında konkret tapşırıqlar qoyub.

Müdafiə naziri Azərbaycanın Qarabağ bölgəsində müvəqqəti yerləşdirilmiş hazırda isə ölkəmizi tərk edən Rusiya sülhməramlı kontingentinin şəxsi heyət, silah-sursat və döyüş texnikasının daşınmasında lazımi texniki dəstəyin göstərilməsi ilə bağlı müvafiq göstərişlər verib.

Sonda icra edilən tədbirlərin daha keyfiyyətli yerinə yetirilməsinin diqqət mərkəzində saxlanılmasının əhəmiyyəti qeyd olunub.

Paylaş:
106

Son xəbərlər

İmişlidə ağır cinayətin üstü açılıb, atasının qətlini sifariş etməkdə şübhəli bilinən şəxs tutulubBu gün, 11:31DYP hava şəraiti ilə bağlı hərəkət iştirakçılarına müraciət edibBu gün, 11:10Dünya bazarlarında qızıl və gümüş bahalaşıbBu gün, 10:55Azərbaycan XİN Türkiyəyə başsağlığı veribBu gün, 10:43Yaponiyanın İmperatoru Azərbaycan Prezidentini təbrik edibBu gün, 10:41Bəzi yerlərdə şimşək çaxıb, arabir yağış yağıb - FAKTİKİ HAVABu gün, 10:17Sumqayıtda qanunsuz tikili sökülübBu gün, 10:07Ötən həftə azad edilmiş ərazilərdə xeyli silah-sursat aşkar edilibBu gün, 09:51Tozlu hava şəraiti davam edirBu gün, 09:31Şəkidə “Kalaşnikov” satan şəxs saxlanılıbBu gün, 09:22Azərbaycan Mərkəzi Bankının valyuta məzənnələriBu gün, 09:15Bakının bəzi yollarında tıxac yaranıb - SİYAHIBu gün, 09:03FHN: Tovuzda su anbarında batan şəxsin axtarışları hava şəraitinə baxmayaraq, davam edir - VİDEO25 / 05 / 2024, 18:07Sumqayıtda qumbara tapılıb25 / 05 / 2024, 17:54Bu gün paytaxtın 549 küçəsi yuyulub25 / 05 / 2024, 17:40Qarabağda #Birbaşlanğıc daha:Kapital Bank-ın Xankəndi filialı açıldı25 / 05 / 2024, 17:20Bu gün Xalq artisti Ramiz Novruzun doğum günüdür25 / 05 / 2024, 17:10Nərimanov rayonunda ağaclara edilən “sui-qəsd”in qarşısı alınıb - Nazirlikdən AÇIQLAMA - FOTO25 / 05 / 2024, 16:54Çex Respublikasının Prezidenti İlham Əliyevi təbrik edib25 / 05 / 2024, 16:44Koreya Prezidenti Azərbaycan Prezidentini Müstəqillik Günü münasibətilə təbrik edib25 / 05 / 2024, 16:28
Bütün xəbərlər