Elm və təhsil naziri Londonda “Clarivate Analytics” şirkətinin rəhbərliyi ilə görüşüb

Dünya Təhsil Forumunda iştirak edən elm və təhsil naziri Emin Əmrullayev bibliometrik və elmmetrik tədqiqatlar üzrə dünyanın ən nüfuzlu şirkətlərindən biri hesab edilən “Clarivate Analytics”in rəhbərliyi ilə görüşüb.

1news.az xəbər verir ki, Şirkətin akademiya və hökumətlərlə iş üzrə prezidenti Bar Veinsteinin rəhbərlik etdiyi heyətlə görüşdə tərəflər son illərdə Azərbaycanın elmmetrik göstəricilərini müzakirə ediblər.

Qeyd edək ki, Elm və Təhsil Nazirliyinin təşəbbüsü ilə 2023-cü ildən bütün elm və ali təhsil müəssisələrinin “Clarivate Analytics” şirkətinin “Web of Science” elmmetrik bazasına girişi təmin olunub.