Yardımlıda keçmiş məhkum narkotiklə bağlı həbs olunub

Səkkiz dəfə məhkum olunmuş şəxs Yardımlıda narkotiklə tutulub.

1news.az-ın APA-ya istinadən verdiyi xəbərə görə, Yardımlı Rayon Polis Şöbəsinin əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat zamanı 46 yaşlı Ruslan Məmmədov saxlanılıb. Onun üzərindən 1 kiloqrama yaxın marixuana aşkarlanıb.

Faktla bağlı cinayət işi başlanılıb.

Həmin şəxs bundan əvvəl Cinayət Məcəlləsinin bir neçə maddəsilə təqsirli bilinərək ümumilikdə 8 dəfə məhkum olunub.