Sabahdan yeni ekspres marşrutu fəaliyyətə başlayacaq

Noyabrın 19-dan Köhnə Günəşli qəsəbəsinin Səməd bəy Mehmandarov küçəsini “Sədərək” ticarət mərkəzi ilə əlaqələndirən E2 nömrəli ekspres marşrutu fəaliyyətə başlayacaq.

1news.az xəbər verir ki, bu barədə Azərbaycan Yerüstü Nəqliyyat Agentliyindən (AYNA) məlumat verilib.

Marşrut üzrə avtobuslar 15 dəqiqə hərəkət intervalı ilə saat 06:00-dan 20:00-dək sərnişinlərə xidmət göstərəcək. Marşrut üzrə gediş haqqı 0.50 AZN müəyyən edilib.

Marşrut üzrə Neapol və Ukrayna dairələri, Ramiz Quliyev küçəsi (Nargilə dairəsi), 8 Noyabr prospekti (Bakı İstilik Elektrik Mərkəzi), 2 saylı “ASAN Xidmət”, Zərifə Əliyeva küçəsi (“Sahil” metrostansiyası), Azneft dairəsi və Bibiheybət məscidi aralıq dayanacaq məntəqələri kimi təyin edilib.